Најди сличен содржај

#Chilonzor #DizaynKod #TartibliKo‘chalar #QonuniyReklama #ShaharSozlik Chilonzorda tartibli va zamonaviy ko‘chalar sari muhim qadamlar! Chilonzor tumani hududida ko‘chalarni zamonaviy shaharsozlik qoidalari asosida tartibga solish, shahar muhitini yanada obod va jozibador qilish bo‘yicha tizimli ishlar amalga oshirilmoqda. Ishlab chiqilgan dizayn kod talablariga muvofiq ravishda ko‘chalardagi tashqi reklama vositalari, banner va peshlavhalar bosqichma-bosqich yangilanmoqda. Noto‘g‘ri o‘rnatilgan, me’yorlarga javob bermaydigan hamda noqonuniy reklamalar bartaraf etilmoqda. Asosiy maqsad: ⬅️shahar ko‘rinishini yaxshilash; ⬅️yagona arxitektura va estetik muhit yaratish; ⬅️piyodalar va haydovchilar xavfsizligini ta’minlash; ⬅️tadbirkorlik faoliyatini qonun doirasida tartibga solish. 📣📣📣Hurmatli aholi va tadbirkorlar! Tashqi reklama bannerlari va axborot lavhalarini o‘rnatishda amaldagi qonunchilik talablariga qat’iy rioya qilishingizni, shuningdek, tegishli tashkilotlardan belgilangan tartibda ruxsatnoma olishingizni so‘raymiz. Noqonuniy o‘rnatilgan reklama vositalari belgilangan tartibda demontaj qilinishi haqida ogohlantiramiz. Birgalikda hududimiz qiyofasini yanada obod va tartibli qilaylik! 🔵@Chilonzor_tumani_hokimligi

#SharqMahallasi #QonunUstuvorligi #Shaharsozlik #TartibNazorat Chilonzor tumanida noqonuniy qurilmalar bartaraf etilmoqda Chilonzor tumanida shaharsozlik me’yorlari va qonunchilik talablariga zid ravishda, tegishli ruxsatnomalarsiz barpo etilgan noqonuniy qurilmalarni aniqlash va bartaraf etish bo‘yicha tizimli ishlar izchil davom ettirilmoqda. Jumladan, Chilonzor tumani Sharq mahallasi hududida o‘rganishlar davomida tegishli ruxsat hujjatlarisiz qurilgan noqonuniy inshoot aniqlanib, belgilangan tartibda to‘liq bartaraf etildi. Mazkur tadbirlar aholi xavfsizligini ta’minlash, shahar infratuzilmasini tartibga solish hamda noqonuniy qurilishlarning oldini olishga qaratilgan bo‘lib, bu yo‘nalishdagi nazorat ishlari kelgusida ham davom ettiriladi. Fuqarolardan qurilish ishlarini amalga oshirishda amaldagi qonunchilik talablariga qat’iy rioya etish so‘raladi. #Chilonzor#NoqonuniyQurilish @Chilonzor_tumani_hokimligi