@handicraftman · Post #56200 · 22.04.2026 г., 11:54
⚡️2026-yil 22-aprel kuni Buxoro davlat universitetida Yevropa Ittifoqining ALIPH fondi tomonidan moliyalashtirilayotgan “Eco-friendly Approaches to Heritage Textile Production: A Model for Suzani and Embroidery” mavzusidagi xalqaro grant-loyiha doirasida ikki kunlik seminar-trening o‘z ishini boshladi. 🌍Mazkur tadbir “Umrboqiy meros” O‘zbekiston madaniyati va san’ati targ‘ibot markazi, Buxoro davlat universiteti, Respublika “Hunarmand” uyushmasi, Buxoro hunarmandchilikni rivojlantirish markazi hamda “Bahmal group” tekstil korxonasi hamkorligida tashkil etildi. 📊Seminar-trening Buxoro davlat universiteti xalqaro hamkorlik bo‘yicha prorektori Abror Jo‘rayev hamda “Umrboqiy meros” markazi direktori Lutfiya Mirzayeva tomonidan ochib berildi. 📊Mashg‘ulotlar “Umrboqiy meros” markazi direktor o‘rinbosari, BuxDU professori Mehrinigor Axmedova hamda UNESCOning nomoddiy madaniy meros yo‘nalishi bo‘yicha xalqaro ekspertlari Harriet Deacon va Benedetta Ubertazzi ishtirokida olib borilmoqda. 🎖Seminar davomida milliy kashtachilik va so‘zanachilik an’analarini saqlagan holda ishlab chiqarish jarayoniga ekologik yondashuvlarni joriy etish, shuningdek, madaniy merosni zamonaviy iqtisodiyot talablariga moslashtirish masalalari muhokama qilinmoqda. 🏅Tadbirda soha mutaxassislari, hunarmandlar, professor-o‘qituvchilar hamda talaba-yoshlar ishtirok etmoqda. Ushbu loyiha milliy qadriyatlarni asrash, ularni xalqaro miqyosda targ‘ib etish hamda “yashil iqtisodiyot” tamoyillarini joriy etishda muhim ahamiyat kasb etadi. #BuxDU#xalqaroSeminar#milliyMeros#hunarmandchilik Faсebook| ✅Instagram ✅Youtube | ✅Murojaat yo'llash