@WediaHK · Post #5 · 13.09.2023 г., 21:37
【根德貝利座堂尤德紀念碑 親子遊好去處 了解香港歷史】 //提到英國詩人喬叟（Geoffrey Chaucer），一定會講到佢嘅名作《Canterbury故事集》。而佢嘅一系到著作更加對英國文學同文化產生咗必然同巨大嘅影響。 筆者早幾日由倫敦去咗《故事集》嘅地點-肯特郡嘅根德貝利（Canterbury ，臺灣譯坎特伯雷），由倫敦維多利亞站火車來回最平都只係£12.6（off peak）左右。 筆者建議移英家長可以襯週末揀呢個「英格蘭花園」（ The Garden of England）作為一日遊。因為聖公會大本營-根德貝利座堂（Canterbury Cathedral）就座落喺呢個城市。佢係英格蘭同全英國最古老、最著名嘅基督教建築之一，係一座有過千年歷史嘅建築。 連體座堂在內，城市有幾個部份被列入世界文化遺產，被外界叫做「英格蘭花園」（ The Garden of England）。 座堂要收門票£14，但一年內可以無限次入場，絕對值回票價。座堂內部係可以影相，但地下室就唔得。 座堂嘅特點係入面係混合唔同時期嘅建築風格，好似中庭同塔樓，表現出濃烈嘅哥德式建築特色，但其他地方就散發住好渾厚嘅諾曼式風格。 ●尤德紀念碑 學習香港史 但座堂最吸引筆者嘅唔係上面提到嘅建築設計，反而係港督尤德爵士（Sir Edward Youde）嘅紀念碑。上面有香港嘅盾徽（Coat of arms of Hong Kong），仲列明佢係香港第二十六任總督。家長帶子女嚟呢度講下喬叟嘅《故事集》之餘，都可以順帶同佢哋講下呢位被譽為香港史上最清廉嘅港督歷史。// 進入Facebook閱讀全文： https://bit.ly/3rc1q0X #canterbury#canterburycathedral#尤德#港督#香港史#英國文學 =============================== =============================== Facebook ➡️ https://www.facebook.com/wediahongkong Instagram ➡️https://www.instagram.com/wediahongkong/