@teachforuzbekistan · Post #151 · 05.03.2025 г., 10:49
#karyerakuni ⭐️Toshkent farmatsevtika instituti hamda “Teach for Uzbekistan” hamkorligida “Karyera kuni” bo‘lib o‘tdi! ⚡️ Bugungi kunda mehnat bozorida talab yuqori bo‘lgan mutaxassislarni tayyorlash, ularning kasbiy ko‘nikmalarini rivojlantirish hamda ish beruvchilar bilan bevosita aloqalar o‘rnatish muhim ahamiyat kasb etmoqda. Shu maqsadda Toshkent farmatsevtika instituti hamda “Teach for Uzbekistan” nodavlat tashkiloti hamkorligida “Karyera kuni” tadbiri tashkil etildi. 🔰 Tadbir institut bitiruvchilari va talabalari uchun kelajakdagi ish faoliyatini yo‘lga qo‘yish, o‘z mutaxassisligi bo‘yicha amaliy tajriba orttirish va nufuzli tashkilotlar bilan tanishish imkoniyatini taqdim etdi. Tadbirni Toshkent farmatsevtika instituti Amaliyot ishlari bo‘yicha prorektori Maksudova Feruza ochib, yosh mutaxassislarning kelajakdagi kasbiy faoliyatiga tayyorgarlik ko‘rish jarayoni haqida to‘xtalib o‘tdi. U mehnat bozorida o‘z o‘rnini topish uchun nafaqat nazariy bilimlar, balki amaliy ko‘nikmalar ham muhim ekanligini ta’kidladi. Shuningdek, Feruza Xurshidovna talabalarni o‘z ustida ishlash, kasbiy rivojlanish va doimiy o‘rganish muhim ekanligiga chorladi. U “Karyera kuni” tadbiri yosh mutaxassislar va ish beruvchilar o‘rtasida to‘g‘ridan-to‘g‘ri muloqotni yo‘lga qo‘yishda samarali platforma ekanligini qayd etdi. 🔰 Ushbu kabi tadbirlar yosh mutaxassislarning kasbiy rivojlanishiga xizmat qiladi va ularning o‘z sohasida muvaffaqiyat qozonishiga turtki beradi. Toshkent farmatsevtika instituti va “Teach for Uzbekistan” o‘rtasidagi bunday hamkorlik kelajakda ham davom etishi va talabalar uchun yanada ko‘proq imkoniyatlar yaratishi kutilmoqda. BATAFSIL O'QING Teach For Uzbekistan axborot xizmati 🌐Rasmiy sahifa Telegram| Linkedln|Instagram|Yotube
Hashtags