@hujayrauz · Post #3785 · 27.03.2025 г., 08:54
#Mentors_needed#Mentorlar_qidirilmoqda Assalomu alaykum, hurmatli kuzatuvchilar! 🧬 Yoz faslida 10-11-sinf bitiruvchi o‘quvchilarining biologiya va ilm-fanga qiziqishini oshirish maqsadida yangi loyiha boshlashni rejalashtirdik. Ushbu tashabbusni amalga oshirish uchun biologiya va unga aloqador sohalarda faoliyat yuritayotgan mentorlar kerak. 🎓Mentor bo‘lishni istaganlar: ✅ Biologiya yoki unga aloqador sohalarda (farmatsevtika, mikrobiologiya, biokimyo, molekulyar biologiya, bioinformatika, biofizika, biotexnologiya va boshqalar) ilmiy tadqiqot olib borayotgan tadqiqotchi yoki olim bo‘lishlari. ✅ Magistraturani tamomlagan, PhD tadqiqot olib borayotgan yoki PhD darajasini yaqinda olgan bo‘lishlari. ✅1-2 nafar o‘quvchini o'z laboratoriyalarida kichik loyiha ustida ishlashga yoki o‘z tadqiqotlarining kichik bir qismini o‘rgatishga tayyor bo‘lishlari. ✅ Yozgi ta’til (iyun-avgust) davomida o‘quvchilar bilan ustoz-shogird sifatida ishlay olishlari so'raladi. Loyiha haqida qisqacha: Dastur o‘quvchilar va tadqiqotchi ustozlarni birlashtirib, 1 ga 1 shaklda ilmiy ish olib borish imkoniyatini yaratadi. Yozgi ta’til davomida o‘quvchilar mentorlari bilan kichik ilmiy loyiha ustida ishlashadi va shu orqali ilm-fanga chuqurroq kirib kelishlari uchun amaliy tajriba orttiradilar. 🙏Mentor bo‘lishni istaganlardan M.I.Muminov ga xabar berishlari so'raladi! 💡Sizning ishtirokingiz yosh avlodning ilm-fanga qadam qo‘yishida hal qiluvchi ahamiyatga ega bo‘lishi mumkin! Mentor bo'lishni istaganlar barchaga oldindan tashakkur. #IlmFan#Mentorlik#Biologiya#KelajakOlimlari Ushbu postni loyihaga mentor bo'lishi mumkin bo'lgan do'stlaringiz bilan bo'lishing. @biology_uz