@Chilonzor_tuman_hokimligi · Post #81785 · 17/03/2026 10:35
#Forum #FarzandlarKelajagi #InklyuzivTalim #TosiqsizMuhit #PsixologikSoglomMuhit #MeningDunyoim Farzandlarimiz kelajagiga barchamiz birdek mas’ulmiz Chilonzor tumani Maktabgacha va maktab ta’limi bo‘limi tizimidagi 126-sonli umumta’lim maktabida “Farzandlarimiz kelajagiga barchamiz birdek mas’ulmiz” shiori ostida forum bo‘lib o‘tdi. Forum doirasida maktab direktorlar, maxsus pedagoglar va psixologlar ishtirokida alohida ta’lim ehtiyoji bo‘lgan inklyuziv bolalar bilan ishlash, “to‘siqsiz muhit”ni tashkil etish, ularning jamiyatda o‘z o‘rnini topishiga ko‘maklashish, oilaviy nizolarning psixologik ildizlarini o‘rganish va oldini olish, o‘quvchilarga nisbatan zo‘ravonlikning har qanday ko‘rinishlarini bartaraf etish hamda umumta’lim maktablarida sog‘lom psixologik muhitni shakllantirish masalalariga bag‘ishlangan o‘quv-seminarlar tashkil etildi. Seminarlar davomida ishtirokchilar o‘z bilim va ko‘nikmalarini oshirdilar. Shuningdek, inklyuziv o‘quvchilar ishtirokida “Mening dunyoim” shiori ostida tanlov o‘tkazildi. Unda alohida ta’lim ehtiyoji bo‘lgan o‘quvchilar estrada vokal, tasviriy san’at, robototexnika va turli kasblarga oid ijodiy ishlari orqali o‘z iste’dodlarini namoyon etdilar. Forum yakunida inklyuziv ta’lim tanlovi ishtirokchilaridan 30 nafari hamda ushbu yo‘nalishda samarali faoliyat olib borayotgan direktorlar, maxsus pedagoglar va psixologlar munosib taqdirlandilar. 👉👉👉 Lavhamizda tadbir jarayonlari 🔵https://t.me/chilonzor_tuman_hokimligi