Post #7891

#Milliy_sertifikat Bugun Matematika fanidan bo’lib o’tgan Milliy sertifikat imtihonida ishtirok etdim. Ba’zi mulohazalarimni sizlar bilan bo’lishmoqchiman. 1. Imtihonni yakshanba kuniga qo’yilgani, ma’qul ish bo’lgan. Chunki test topshiruvchilarni ishiga (ustozlarni) ta’sir qilmaydi. (10/10 ball) 2. Imtihon vaqti soat 13:00 ga qo’yilgani biroz noqulay, chunki imtihon 150 daqiqa davom etishi va rasmiyatchiliklari bilan yana bir soat qo’shimcha davom etishini hisobga olsak, peshin vaqti o’tib ketib qoladi. Shuni hisobga olib peshin namozini o’qib bordim, ammo arang ulgurdim. (7/10 ball) 3. Imtihonga kirishdagi tekshiruv. Xuddiki o’ta mahviy, o’ta sir saqlanadigan obyektga kirgandek his qildim. Sababi, kiraverishda milliy gvardiya tomonidan tekshiruvdan o’tasiz. Yoningizdagi elektron jihozlarni imtihonga olib kirish noto’g’riligini tushunsa bo’ladi, ammo, o’zingiz bilan olib borgan oddiy ruchka, qalam, plastik karta, karman, mashina kaliti, tanga, uzuk tasbehni olib kirishga taqiqni umuman tushunib bo’lmaydi. Qaysi mantiqga ko’ra bu narsalar mumkin emasligi haqidagi savolga esa, oddiygina “buyruq shunday, ichki tartib”, deb javob berishligi esa yanada ajib. Yuqoridagi buyumlar bilan imtihon natijasiga qanchalik tasir o’tkazish mumkin, haligacha hayronman. (3/10 ball) 4. Imtihonga masul nazoratchilarning muloqot madaniyati juda yaxshi. Har bir savolimizga muloyim va odob bilan javob qaytarishdi. (10/10 ball) 5. Imtihon juda shaffof tarzda o’tdi. Hech qanday shubhali vaziyatlar kuzatilmadi. (10/10 ball) 6. Ustozlarni alohida guruhlarga, o’quvchilarni alohida guruhlarga ajratilgani ham to’g’ri qaror bo’lgan. (10/10 ball) 7. Savollar darajasi. Eng muhim va e’tirozli jihati shu. Umumiy savollar soni 45 ta. Ochiq va yopiq savollardan tashkil topgan. Savollar saviyasi ancha murakkab. Deyarli barchasi 3-darajali, ba’zilari esa 4- darajali misollar. Berilgan vaqt ichida ushbu misollarni to’g’ri yechish ancha murakkab. Vaqt noto’g’ri taqsimlangan. Bu masalana qayta ko’rib chiqish kerak. Xalqaro standartlarga ham to’g’ri kelmaydi. Xuddiki atayin yiqitish uchun tuzulganday xulosaga olib keladi. Men o’tirgan xonadagi 60 ta matematika fani ustozlaridan, menimcha 90% kerakli natijani bajara olmasa kerak. Olimpiadaga tayyorlangan abituriyentlar yoki ustozlargina o’z vaqtida bajara oladi. Bu yerda muammo savollar qiyinligida emas, balki unga ajratilgan vaqtdadir. (Savollar darajasiga: 9/10 ball Belgilangan vaqtga: 6/10 ball) 8. Ham abituriyentlarga, ham ustozlarga bir hil darajadagi savollarni taqdim qilish ham noto’g’ri hisoblanadi. Bularni ikki turga ajratish kerak. (9/10 ball) 9. Ushbu testdan so’ng, ustozlar uchun maxsus tayyorlov kursini yo’lga qo’yish kerakligi haqida o’ylab qoldim. Insha Alloh bu ishni yaqin kelajakda boshlasak kerak. Duo qilib qo’yinglar. Xurmat bilan Hasanxo’ja Muhammad Sodiq.