Post #1724

ЁРГА ЕТАР КУН БОРМИ, ЁРОНЛАР? Ҳамду санолар айтай Худога, Ёрга етар кун борму, ёронлар? Етгайму додим нозук адога, Ёрга етар кун борму, ёронлар? Шум толеимдан кўрдум жафони, Золим рақиблар кўрди вафони, Ҳолим сўр эмди, бергил давони Ёрга етар кун борму, ёронлар? Булбулдайинким фарёд этарман, Ишқ дафтарини бунёд этарман, Кўнлумни бир дам мен шод этарман, Ёрга етар кун борму, ёронлар? Қачон висолинг бўлғай муяссар, Ишқингда кездим ҳам баҳру ҳам бар, Дарду аламга тўлди кўнгуллар, Ёрга етар кун борму, ёронлар? Ғам баҳри қилди мавжини бунёд, Ишқингда қилдим минг оҳу фарёд, Ўтти нигорим чун сарви озод, Ёрга етар кун борму, ёронлар? Ҳажр аҳли келди, тутти ёқамдин, Бағрим тилинди пайкони ғамдин, Фарёд этарман ушбу аламдин, Ёрга етар кун борму, ёронлар? Шамъи фироқинг кўксимда ёнди, Кўз ёшим оқиб бағримга томди, Ғафлатда қолган Машраб уёнди Ёрга етар кун борму, ёронлар? Бобораҳим Машраб қуддиса сирруҳу @Rahimjon_Aliy