Post #2006

#Тасаввуфий_истилоҳлар АҲРОРЛАР КИМЛАР? Аҳрор (араб. - «ҳур» сўзининг кўплиги) - исломда «ҳур»,«озод» маъноларини англатувчи тушунча. Тасаввуфда уч хил асирликдан халос топган кишига «ҳур» унвони берилади. Биринчиси - ҳайвоний ва шаҳвоний ҳис-туйғуларни енгиб, уларнинг асирлигидан қутулиш. Бу мартаба номи - «ҳуррияти омма». Бу хусусият ҳаммада ҳам бўлиши мумкин. Иккинчиси - ортиқча орзу-ҳаваслардан воз кечиш. Бу - «ҳуррияти хосса» аталиб, у тасаввуф аҳлининг кўпчилигида топилиши мумкин. Учинчиси - барча дунёвий тақлид, анъана ва машғулликлардан дилни пок тутиш. Бу - «ҳуррияту хоссатил-хосса» деб аталиб, у тасаввуф аҳлининг айримларигагина насиб этади. Хожа Убайдуллоҳ Тошкандий мана шу уч хил қулликдан озод бўлган зот учун Хожа Аҳрор лақабини олган, деган фикр ҳам бор. @Rahimjon_Aliy