Post #2113

МАН НОЛА ҚИЛАЙ ШОМУ САҲАР… Ман нола қилай шому саҳар дод, эшигингда, Жонимни берай, шўхи паризод, эшигингда. Ул лолаву райҳону суман, тоза қизил гул, Ҳам сарв букулди, қади шамшод эшигингда. Хўбони жаҳон бўлса тақи Юсуфи Канъон, Султону амир бандаё, озод эшигингда. Зулфинг Сани бу жонима юз доми балодур, Жоним қуши сайд ўлди чу сайёд эшигингда. Олам бориси лаззати ҳуснунгни топибдур, Гирёну фиғон, нолаву фарёд эшигингда. Савдойи муҳаббатга тушубман Сани излаб, Ўлтурди ғаминг, кўзлари жаллод, эшигингда. Ашким тўкубон ҳажру ғамингда кеча-кундуз, Вайрона ватан – манзул обод эшигингда. Ул ҳусну жамолинг ўти Машрабға тушубдур, Парвонасифат куйди, паризод, эшигингда. Бобораҳим Машраб қуддиса сирруҳу @Rahimjon_Aliy