Post #154

Billz стартапи $20 млн. баҳо билан ўзининг жами 60% ини $12 млн.га сотиш учун TBС банк билан келишув имзолади. Бу жуда зўр янгилик. Хурсандман. Бу кейс ўзбек бизнес олами учун қанақа сигналлар беради, бир нечтасини санаб ўтаман: 1. Payme, Express24, мана энди BILLZ - бизда технологик стартаплар қуриш ва уни яхшигина пулга сотиш мумкин, бунга яхши имконият яратилган ва бу жараён бошланиб бўлди ҳам. Ҳа, бу бошланиши, буёғига бунақа exit лар ҳақида тез-тез ўқиб турамиз, иншааАллоҳ. 2. Billz кичик жамоа ва оз капитал билан 7 йил ичида 20 млн баҳога чиқишди. Бу стартаплар бошқа бизнесларга қараганда тез ўсишига яна бир далил. Йирик бизнесменлар ўз маблағларини диверсификация қилишганда фақат классик бизнесларга эмас, IT стартапларни ҳам кўриб чиқишни бошлашади. 3. Ўзбек венчур фондлари ҳам exit қилишни бошлашди. Aloqa Ventures ўз вақтида Billz га $250 000 инвестиция киритган эди, бугун улар ҳам ўз улушларининг бир қисмини яхшигина фойда эвазига сотишди. Портфелида яхши exit case лар бўлиши ҳар бир VC учун жуда муҳимдир, умидли стартаплар яхши кейслари бор венчурларга бошқаларга қараганда кўпроқ ишонишади. 4. Ўзбекистонда хусусий секторда angel инвесторлик, яъни ғоя учун пул тикиш маданияти деярли йўқ, ғоя уёқда турсин, pre seed ва seed босқичидаги стартапларга инвестиция қилиш ҳам шаклланмаган. Billz кейси эса инвесторлар орасида бу маданият шаклланиши учун яхши сигнал бўлади деб ўйлайман. 5. Бизнес орасида стартапларга бўлган ишонч ортади, улардан ҳадиксираш камаяди ва бу стартапларнинг савдоси ошишига сабаб бўлади. 6. TBC стратегик ривожланишда, узоқни кўришда, тезликда ўзбек банкларини ортда қолдириб кетаяпти. Яқин орада ўзбек рақамли банклари орасида энг катта аудитория, имкониятлар унинг қўлида тўпланиб қолса ажабмас. ИншааАллоҳ, тез орада Marjon ҳам стартаплар дунёсида ўрнак қилиб кўрсатиладиган даражага чиқиб олади. Шунинг сабаблари устида ишлаяпмиз. Тез орада янги продуктларимиз анонси бошланиб қолади. Follow us. Stay with us. Thanks.