Post #1366

#live 📣Ochiq muloqot qizg‘in davom etyapti. Jarayonda esga olindiki, Prezident raisligida shu yil yanvar oyida Tashqi ishlar vazirligi hamda xorijdagi diplomatik vakolatxonalar faoliyati masalalariga bag‘ishlangan videoselektor yig‘ilishida iqtisodiy diplomatiya masalasiga ham alohida urg‘u berilgandi. Xususan, "Hozirgi sharoitda elchi degani faqat siyosiy muloqot yurituvchi shaxs emas. Elchi – investitsiya va texnologiya olib keladigan, yangi eksport bozorlarini ochadigan, transport-logistika yo‘laklarini ishga soladigan, turistlar oqimini ko‘paytirib, qonuniy mehnat migratsiyasi uchun sharoit yaratadigan, eng asosiysi, fuqarolarimiz huquqlarini himoya qiladigan davlat vakilidir", degan edi Prezidentimiz Shavkat Mirziyoyev. Ana shu yondashuvdan kelib chiqib, Hukumat komissiyasi ochiq muloqot kun tartibidagi ayrim tegishli masalalarni belgilangan tartibda ko‘rib chiqishda elchilarimiz ham yordami zarurligi aytildi. Bu esa mahalliy korxonalarning tashqi bozorlarga chiqish jarayonlarini tezlashtirishga xizmat qiladi. Ushbu imkoniyatdan foydalanib, ochiq muloqot davomida bir qator tadbirkorlar o‘z taklif va tashabbuslarini tegishli bo‘lgan davlat elchilariga to‘g‘ridan to‘g‘ri yo‘lladilar. Uchrashuv davom etmoqda. Onlayn ko‘rish uchun: Youtube Bizni kuzatib boring: 📱Telegram📱Instagram📱Facebook📱X