Post #178

⚡Қайрат Құдайберген не бүлдірді? Оған алдын-ала ҚР Қылмыстық Кодексінің 272 бабы, 1,2 тармақтары бойынша айып тағылды. Кодекске көз шалсақ: 272-бап. Жаппай тәртiпсiздiк 1. Күш қолданумен, қиратумен, өртеумен, бұзумен, мүлiктi жоюмен, атыс қаруын, жарылғыш заттарды немесе жарылыс құрылғыларын қолданумен, сондай-ақ билік өкiлiне қарулы қарсылық көрсетумен ұласқан, оның ішінде шетелдік көздерден алынған қаражатты пайдалана отырып жаппай тәртiпсiздiктi ұйымдастыру – төрт жылдан он жылға дейiнгi мерзiмге бас бостандығынан айыруға жазаланады. 2. Осы баптың бiрiншi бөлiгiнде көзделген жаппай тәртiпсiздiкке қатысу – үш жылдан сегiз жылға дейiнгi мерзiмге бас бостандығынан айыруға жазаланады. Қайрат Құдайбергеннің "Қаңтар оқиғасында" белсенді жұмыс істегені туралы ақпарат бұған дейін де ашық айтыла бастаған еді. Оның "Дикий Арманмен" жақындығы, ұйымдасқан қылмыстық топпен астыртын байланысы, Қайрат Сатыбалдының біраз тапсырмаларын орындағаны тергеу барысында анықталуы мүмкін. Қанша жылға бас бостандығынан айрылатынын сот шешетін болады. Ол өз имиджін қайырымдылық шаралары арқылы жасаған болатын. Жиі БАҚ беттеріне шығып, өзінің діни көзқарасын жасырмаған еді. Өзіне миллионер деген статус таңғысы келсе де, білетіндер оның жарытып кәсіпкерлікпен айналыспағанын айтады. Көп уақыты түрлі блогер, сақалды ахилер, бомонд өкілдерімен фотоға түсіп, соны инстаграмға жариялаумен өткен екен. Қайрат Құдайберген - осымен ұсталған үшінші белгілі Қайрат. Оның алдында Қайрат Сатыбалды, Қайрат Боранбаевтар тергеу изоляторына кеткен болатын. https://t.me/dalainside