Post #189

🇰🇿⚡🇷🇺Тоқаев Путиннің парадына қатыса ма? Украинаның шығысын кертіп алуды көксейтін Кремль көсемі бұл жолғы шараға кімдерді шақырар екен? DALA инсайд, кімді шақырарын да шамалап отыр, ал сол шақырған қонағы оңайшылықпен келе қояр ма? Сүйкімі кеткен парадқа қатысу Батыс санкциясына бастар төте жол. Путиннің сыйлы қонағы болу Мәскеудің сыбайласы атану, одан бұрын бөгде елге басып кірген Кремль агрессиясын - ақтау. Бір келсе - Лукашенко келеді. Батька Кремль көсемінің басыбайлы құлына айналғанын қор санамайды. Мәскеудің өзге одақтастары осы шарадан шет қалғанды тілеп отырғандай. Әлемжелідегі қазақтілді аудитория Тоқаевтың осы рәсімнің қақ төрінде отырғанын қаламайды. "Парадқа қатысу президенттің кескін-келбетіне кесірін тигізетін фактор" дейді Facebook-тегі Жаңа Qazaqstan тобының оқырмандары. Тоқаевтың өзі де Ресеймен алыстан сыйласқанды құп көретін сынды. Мемлекет басшысының түнеукүнгі мақаласын ( The National Interest) тағы бір шолып шыққан DALA инсайд Мәскеуге қатысты риториканың өзгергенін айтады. Тоқаев осы мақалада: 1. Қазақстанның Батыс пен АҚШ-тан қол үзбесіне акцент береді. 2. Ресей мен Украинаның соғысып жатқанын атап көрсетеді. 3. Украинаға тұмсық тыққан Мәскеудің сұғанақ саясатын қолдамайтынын меңзеп өтеді, әрі Путинге берешек емесін шым-шымдап жеткізеді. "Кремльді жүз жылдық жалғыздық күтіп тұрғаны" (Сурков) рас болса, Жаңа Қазақстан онымен бірге құзға құлауға міндетті емес. "Күзге салым қазірдің өзінде қан түкіріп отырған Ресейдің жағдайы мүлде нашарлайды", - дейді шетел сарапшылары. Ақ Орда Кремльдың қас-қабағынан бұрын қазақ тілді аудиторияның көзқарасымен санасуы тиіс. Қаңтар оқиғасы қазақтардың оқиғасы екенін ұмытпағайсыз, Президент мырза. https://t.me/dalainside