ҚР Денсаулық сақтау министрлігі | Министерство здравоохранения РК ⚜️

2026 ЖЫЛҒА АРНАЛҒАН ДӘРІ-ДӘРМЕКТЕР МЕН МЕДИЦИНАЛЫҚ БҰЙЫМДАРДЫ САТЫП АЛУ 7,2%-ҒА ҰЛҒАЙДЫ: ХАЛЫҚ ҮШІН ҚОЛЖЕТІМДІЛІК КЕҢЕЮДЕ 📌 2026 жылдан бастап жалпы қажеттілік 567 млрд теңгеден асады. «СҚ-Фармация» сатып алу науқаны шеңберінде 2000-нан астам дәрілік зат…

2026 ЖЫЛҒА АРНАЛҒАН ДӘРІ-ДӘРМЕКТЕР МЕН МЕДИЦИНАЛЫҚ БҰЙЫМДАРДЫ САТЫП АЛУ 7,2%-ҒА ҰЛҒАЙДЫ: ХАЛЫҚ ҮШІН ҚОЛЖЕТІМДІЛІК КЕҢЕЮДЕ 📌 2026 жылдан бастап жалпы қажеттілік 567 млрд теңгеден асады. «СҚ-Фармация» сатып алу науқаны шеңберінде 2000-нан астам дәрілік зат пен медициналық бұйымды сатып алады - бұл 2025 жылмен салыстырғанда 7,2%-ға артық. 🔷 Негізгі өзгерістердің бірі өндірушілерден тікелей сатып алу үлесінің артуы болды. 2026 жылы 400-ден астам дәрі-дәрмек делдалдардың қатысуынсыз тікелей сатып алынады, бұл өткен жылдың көрсеткіштерінен 2,7 есе артық. Мұндай динамика Денсаулық сақтау министрінің №110 бұйрығымен бекітілген жаңартылған Қағидаларда бекітілген сатып алудың жаңа тетіктерін енгізудің нәтижесі болды. Негізгі назар тікелей өндіруші зауыттардан баға ұсыныстарын сұрауға аударылады, бұл сатып алу бағасын төмендетуге, ашықтықты арттыруға және құнның қалыптасуын бақылауды күшейтуге мүмкіндік береді. 📈 Сатып алу бұрынғыдай халықаралық ұйымдар – БҰҰДБ, ЮНИСЕФ және СТОП ТБ арқылы жүзеге асырылады. Халықаралық институттар арқылы сатып алынатын позициялардың саны 87%-ға (23-тен 43-ке дейін) ұлғайды. Мұндай механизм бәсекеге қабілетті әлемдік бағалар есебінен айтарлықтай үнемдеуді қамтамасыз етеді, ал босатылған қаражат пациенттерді қосымша дәрі-дәрмекпен қамтамасыз етуге бағытталады. Сатып алынған дәрілік заттар мен медициналық бұйымдарды Бірыңғай дистрибьютордың қоймаларына жеткізу ағымдағы жылдың желтоқсан айында жоспарланып отыр. Медициналық ұйымдарға жеткізу 2026 жылдың қаңтарынан басталады. Дәрілік заттарды сатып алу қажеттілікті атаулары, дозалары және жеткізу кестелері бойынша айқындайтын медициналық ұйымдардың өтінімдері негізінде жүзеге асырылады. Мемлекеттік қаражатты жұмсаудың тиімділігін арттыру үшін бірыңғай дистрибьютор делдалдар тізбегін қоспағанда, тікелей сатып алуға бағдарлануды күшейтеді. ⏩ 2024 жылы сатып алу ережелеріне жаңа тетік – баға ұсыныстарын сұратуды бекітетін өзгерістер енгізілді. Осының арқасында өндірушілер тікелей сатып алатын препараттардың саны 2025 жылғы науқанмен салыстырғанда 5 еседен астам өсті. ⏩ Ашықтықты қамтамасыз ету үшін «СҚ-Фармация» ресми сайтында сатып алу туралы ашық хабарландырулар жарияланады. Сонымен қатар, жеткізушілермен белсенді келіссөздер жүргізіледі: дайындық кезеңінде баға талдауы және оңтайлы шешімдерді іздеу жүргізіледі. 2025 жылғы сатып алу науқанының қорытындысы бойынша үнемдеу 70 млрд теңгеден асты. Бірыңғай дистрибьютор тікелей сатып алу үлесін кеңейтуді және өндірушілермен ұзақ мерзімді шарттар жүйесіне көшуді жоспарлап отыр. Бұл бағаның тұрақтылығын, жеткізілімнің болжамдылығын және логистиканың ұзақ мерзімді тұрақтылығын қамтамасыз етеді. 🔷 Халықты дәрі-дәрмекпен уақтылы қамтамасыз ету мақсатында «СҚ-Фармация» 2027 жылға арналған сатып алу науқанын 2026 жылдың мамыр айында бастайды, бұл жеткілікті қорларды қамтамасыз етуге және дәрі-дәрмекпен қамтамасыз ету жүйесінің тұрақтылығын арттыруға мүмкіндік береді. 🚀https://t.me/DenMinPR

Бес сағат өмір мен өлім арасында: алматылық хирургтар аортасы жыртылған пациентті аман алып қалды 📌 Алматы қалалық кардиологиялық орталығында аортаның қабаттанып жарылуы диагнозы қойылған пациентке аса күрделі операция сәтті жасалды. Бұл – кардиохирургиядағы…

Бес сағат өмір мен өлім арасында: алматылық хирургтар аортасы жыртылған пациентті аман алып қалды 📌 Алматы қалалық кардиологиялық орталығында аортаның қабаттанып жарылуы диагнозы қойылған пациентке аса күрделі операция сәтті жасалды. Бұл – кардиохирургиядағы…

Бес сағат өмір мен өлім арасында: алматылық хирургтар аортасы жыртылған пациентті аман алып қалды 📌Алматы қалалық кардиологиялық орталығында аортаның қабаттанып жарылуы диагнозы қойылған пациентке аса күрделі операция сәтті жасалды. Бұл – кардиохирургиядағы ең өмірге қауіпті жағдайлардың бірі. 🔷 Пациент 2020 жылы аортакоронарлық шунттау операциясын басынан өткерген. Арада бірнеше жыл өткен соң оның жағдайы қайтадан күрт нашарлап, аортаның қабаттанып жарылуы пайда болды, ол аортаның жыртылуына алып келген. Мұндай жағдайда әр минут шешуші рөл атқарады. Аортаның жыртылуы – шұғыл араласуды талап ететін ең ауыр диагноздардың бірі. Екіншіден, бұл — бұрын шунттау жасалғаннан кейінгі ашық жүрекке қайталама операция. Мұндай жағдайларда тіндердің өзгеруі, жабыспалардың болуы өмірлік маңызды құрылымдарды ажыратуды өте қиындатады. ⚡️ Кардиохирургтар жасанды қанайналым аппаратын қолдана отырып, пациенттің қанайналымын толық бақылауда ұстап, шамамен бес сағат бойы жұмыс істеді. Операция барысында мамандар аортаның зақымданған бөлігін алып тастап, оның тұтастығын жасанды тамыр протезі арқылы қалпына келтірді. ⏩ Операцияны: кардиохирургтар, кардиологтар, анестезиолог-реаниматологтар, перфузиологтар және операциялық мейіргерлерден тұратын мультидисциплиналық команда жүргізді. Команданың үйлесімді жұмысының арқасында пациентке сәтті оперция жасалды. Қазіргі уақытта ер адам дәрігерлердің бақылауында, оның жағдайы тұрақты деп бағалануда. «Әрбір мұндай операция – өмір үшін күрес. Біз жағдай қаншалықты ауыр көрінсе де, пациентке мүмкіндік беру үшін заманауи кардиохирургияның барлық мүмкіндіктерін қолданамыз», – деді қалалық кардиологиялық орталықтың директоры Ермағамбет Қуатбаев. 🚀https://t.me/DenMinPR

БАЛАЛАР ИНФЕКЦИОНИСТІ АТА-АНАЛАРДЫ ӨЗБЕТІНШЕ ЕМДЕУДЕН ЖӘНЕ ЫСТЫҚТЫ ТҮСІРЕТІН ДӘРІЛЕРДІ БАҚЫЛАУСЫЗ ҚАБЫЛДАУДАН САҚТАНДЫРАДЫ 📌 Балалар инфекциялық аурулар дәрігері, жоғары білікті педиатр, Астана қаласының №3 қалалық балалар ауруханасы директорының медициналық…

БАЛАЛАР ИНФЕКЦИОНИСТІ АТА-АНАЛАРДЫ ӨЗБЕТІНШЕ ЕМДЕУДЕН ЖӘНЕ ЫСТЫҚТЫ ТҮСІРЕТІН ДӘРІЛЕРДІ БАҚЫЛАУСЫЗ ҚАБЫЛДАУДАН САҚТАНДЫРАДЫ 📌 Балалар инфекциялық аурулар дәрігері, жоғары білікті педиатр, Астана қаласының №3 қалалық балалар ауруханасы директорының медициналық бөлім жөніндегі орынбасары Роза Өтегенқызы Баженова ЖРВИ және тұмау белгілері кезінде ата-аналарға қайда жүгіну керектігін, қандай асқынулар байқалатынын және баланы вирус маусымында қалай қорғау керектігін егжей-тегжейлі айтып берді. ⏩ Дәрігерге жүгіну шегі кешкі уақытта — сағат 18:00-ден кейін, ата-аналар баланың жоғары температурасын көріп, дереу инфекциялық ауруханаға барады. Бірақ көп жағдайда бұл қажет емес, деп атап өтті дәрігер. ⏩ Алғашқы белгілердегі дұрыс бағыт — күн сайын сағат 8.00-ден 20.00-ге дейін жазылусыз қабылданатын емханалардың сүзгі-кабинеттері мен жедел жәрдем кабинеттері. Сондай-ақ, қажет болған жағдайда мобильді бригаданы шақыру үшін учаскелік дәрігермен байланыста болу керек. Егер баланың жағдайы нашарласа, жиі құсу, құрысулар пайда болса, бала тамақ пен ана сүтінен бас тартса, дереу жедел жәрдем шақыру керек. 📌 Өзбетінше емдеуге болмайды! 🔷 Қазір балаларда қандай асқынулар байқалады? Осы маусымда А тұмауы вирусы(H3N2) таралады. Ол агрессивті ағыммен ерекшеленеді. 🔷 Негізгі белгілері: • ыстықты түсіретін дәрі әсер етпейтін жоғары дене қызуы, тұрақты қызба, • тырысулар - тіпті қосалқы аурулары жоқ мүлдем дені сау балаларда да байқалады, • ларингит, көмейдің ісінуі, • іштің ауыруы және асқазан-ішек жолдарының зақымдануы, • жалпы уыттану, әлсіздік . 🔷 Асқынуларға келетін болсақ, Роза Баженовна түсіндіргендей, бұл жоғары температура, айқын ларингит, Рей синдромының даму қаупі (әсіресе дұрыс емделмеген жағдайда), мұрыннан қан кету, құсу, іштің ауыруы мүмкін. 💊 Дәрігер ыстықты түсіретін дәрілерге мұқият болуды ұсынды! 📌 Парацетамол мен ибупрофенді қатаң түрде жас мөлшерінде қолдану керек. Парацетамолдың артық дозалануы бауырдың зақымдалуына және басқа да ауыр асқынуларға әкелуі мүмкін. Балаларға аспирин бермеңіз-Рей синдромының қаупі бар. Балалар инфекционисті ата-аналарға вирустармен күресуге көмектеспейтін балаларға антибиотиктерді өзбетінше тағайындаудан сақтандырады. Сондай-ақ, вирусқа қарсы препараттарды бақылаусыз қабылдауға болмайды, тек дәрігердің нұсқауы бойынша және қатаң көрсетілімдер бойынша ғана қабылдау қажет. Егер дене қызуы түспесе, дозаны арттырмай дәрігерге қаралу қажет. Эпидемиологтар қатаң түрде мынадай ұсынымдар беретінін естеріңізге сала кетейік: • адамдар көп жиналатын жерлерден аулақ болу, • қоғамдық орындарда маска кию, • қолды жиі жуып, бөлмелерді желдету 🚀https://t.me/DenMinPR

ДЕНСАУЛЫҚ САҚТАУ МИНИСТРЛІГІ ЖРВИ-МЕН ЖӘНЕ ТҰМАУМЕН СЫРҚАТТАНУШЫЛЫҚТЫҢ ӨСУІНЕ БАЙЛАНЫСТЫ ЭПИДЕМИЯҒА ҚАРСЫ ШАРАЛАРДЫ КҮШЕЙТУДЕ 📌 Денсаулық сақтау министрлігі вирустық инфекциямен және тұмаумен сырқаттанушылықтың өсуіне байланысты эпидемияға қарсы шараларды…

ДЕНСАУЛЫҚ САҚТАУ МИНИСТРЛІГІ ЖРВИ-МЕН ЖӘНЕ ТҰМАУМЕН СЫРҚАТТАНУШЫЛЫҚТЫҢ ӨСУІНЕ БАЙЛАНЫСТЫ ЭПИДЕМИЯҒА ҚАРСЫ ШАРАЛАРДЫ КҮШЕЙТУДЕ 📌 Денсаулық сақтау министрлігі вирустық инфекциямен және тұмаумен сырқаттанушылықтың өсуіне байланысты эпидемияға қарсы шараларды күшейтуде. 🤒 Жыл сайын республикада ЖРВИ-дің 3-тен 4 млн-ға дейінгі жағдайы және тұмаудың 2 мыңға дейінгі жағдайы тіркеледі. Ағымдағы эпидемиологиялық маусымның басынан бастап (ағымдағы жылдың 1 қыркүйегінен бастап) ЖРВИ-дің 1 461 819 жағдайы тіркелді, бұл өткен 2024-2025 жылдардағы эпидемиялық маусымның ұқсас кезеңімен салыстырғанда 20%-ға төмен (1 678 904 жағдай). 📈 Соңғы аптада елде ЖРВИ-дің 183 074 жағдайы тіркелді, бұл өткен маусымның ұқсас аптасынан 16%-ға жоғары. ⏩ Маусым басынан бері тұмаудың 590 зертханалық расталған жағдайы анықталды, оның ішінде: • 587 жағдай — А типі (H3N2), Қазақстанда 2001 жылдан бері айналымда жүрген «Гонконг тұмауы»; • 3 жағдай - А типі (H1N1). Ағымдағы жылы тұмау вирустарының айналымы 41 аптада (қазан айының бірінші жартысында) басталды, бұл өткен маусымға қарағанда біршама ертерек. Қазақстан аумағында бұрын кездеспеген тұмаудың жаңа түрлері анықталған жоқ. ЖРВИ және тұмау белгілері бар пациенттер тұмау емес вирустарға да тексеріледі. Риновирустардың, парагрипп вирустарының, аденовирустың, бокавирустың, коронавирустың, РС вирусының және метапневмовирустың айналымы байқалады. ➤ Аурудың жалпы құрылымында 0-14 жастағы балалар 66%-ды, ересектер 34%-ды құрайды. ➤ Соңғы аптада оқушылардың арасында ЖРВИ-дің 6 мыңнан астам жағдайы және тұмаудың 13 жағдайы тіркелді; эпидепроцеске оқушылардың шамамен 4%-ы тартылды. ➤ Бүгінгі күні тұмауға қарсы 2,1 млн адам вакцинациялаудан өтті, егу А (H3N2) қоса алғанда, өзекті айналымдағы штамдардан қорғауды қамтамасыз етеді. ⏩ Халықты эпидемияға қарсы қорғауды қамтамасыз ету және уақтылы медициналық көмек көрсету мақсатында мынадай шаралар іске асырылуда: • ЖРВИ және тұмау белгілері бар пациенттер үшін медициналық ұйымдарға кіре берісте «сүзгілер» ұйымдастырылды; температуралық және дезинфекциялық режимдердің сақталуы күшейтілді, мекемелердің санитариялық жағдайына бақылау жүргізіледі. • Сырқаттанушылықтың маусымдық күшеюі кезеңінде респираторлық белгілері бар пациенттердің ағындарын бөле отырып, қосымша инфекциялық төсектерді орналастыру дайындалды. • Вирусқа қарсы және ыстықты түсіретін препараттардың, жеке қорғаныс құралдары мен дезинфекциялық құралдардың жеткілікті қоры қамтамасыз етілген. 🔷 Білім беру ұйымдарында сырқаттанушылық пен сабаққа қатысудың күнделікті мониторингі жүргізіледі, ЖРВИ белгілері бар балаларды анықтау үшін таңертеңгі «сүзгі» жүргізіледі, температуралық және дезинфекциялық режим сақталады. 🏥 Еліміздің стационарларында 10 829 инфекциялық төсек орналастырылған, оның 76%-ы қазір жұмыс істейді. Инфекциялық бөлімшелердің шамадан тыс жүктелуі байқалмайды - барлық өңірлерде сырқаттанушылықтың одан әрі өсуі жағдайында төсектердің жеткілікті резерві бар. 📌 Денсаулық сақтау министрлігі эпидемиологиялық жағдайға тұрақты мониторинг жүргізуді жалғастыруда және азаматтарды: жаппай жиналатын жерлерден аулақ болу, үй-жайларды жиі желдету, қолды антисептиктермен тазарту және аурудың алғашқы белгілерінде балаларды үйде қалдыру сияқты профилактикалық шараларды сақтауға шақырады. 🚀https://t.me/DenMinPR

✍️ Мемлекет басшысының Жарлығымен қызметтік борышын үлгілі атқарғаны, қиын-қыстау жағдайда көрсеткен ерлігі мен жанқиярлығы үшін Астана қалалық жедел медициналық жәрдем станциясының фельдшері Ұлдана Қалдарханқызы Мырзуан (марқұм) «Ерлігі үшін» медалімен марапатталды ***** ✍️Указом Главы государства за образцовое исполнение служебного долга, мужество и самоотверженность, проявленные в экстремальной ситуации, фельдшер станции скорой медицинской помощи города Астаны Мырзуан Ұлдана Қалдарханқызы (посмертно) награждена медалью «Ерлігі үшін» t.me/aqorda_resmi

📌 Астанада маусымдық ЖРВИ мен тұмаудың өршуі кезеңінде балаларға арналған инфекциялық стационардағы төсектердің жүктемесі туралы №3 көпбейінді балалар ауруханасының директоры Марат Қарсыбекұлы Абдуов мәлімдеді. 🔷 Оның айтуынша, стационар 288 төсекке есептелген…

📌 Астанада маусымдық ЖРВИ мен тұмаудың өршуі кезеңінде балаларға арналған инфекциялық стационардағы төсектердің жүктемесі туралы №3 көпбейінді балалар ауруханасының директоры Марат Қарсыбекұлы Абдуов мәлімдеді. 🔷 Оның айтуынша, стационар 288 төсекке есептелген, алайда пациенттердің көбеюіне байланысты төсек қоры 453-ке дейін кеңейтілді, оның ішінде 243 төсек — вирустық инфекциясы бар балаларға арналған. 🔷 Тәулік сайын стационардың қабылдау бөліміне 450–500-ге дейін жүгіну тіркеледі. Солардың тек 20–25%-ы ғана емдеуге жатқызуды қажет етеді. Қалғандарына үй жағдайында емделу үшін дәрігердің тиісті ұсынымдары беріледі. «Біздің инфекциялық стационар төсектер санын 550-ге дейін ұлғайтуға дайын, сырқаттанушылық өскен жағдайда қолданылатын резервтеріміз бар, дәрі-дәрмекпен толық қамтамасыз етілгенбіз», – деп атап өтті инфекциялық аурухананың басшысы. Сонымен қатар ол ата-аналарды стационардың қабылдау бөлімінде жиналмауға шақырды, себебі бұл өзге инфекциялармен айқаспалы жұқтыру қаупін арттырады. 📌 Ауру белгілері пайда болған жағдайда тұрғындарға өз учаскелік дәрігерлеріне, фильтр-кабинеттерге, емханалардың шұғыл көмек бөлімшелеріне жүгіну немесе мобильді бригаданы шақыру ұсынылады. ➖➖➖ 📌 О занятости коек в детском инфекционном стационаре в Астане в период подъема сезонной заболеваемости ОРВИ и гриппом рассказывает директор многопрофильной детской больницы №3 Марат Карсыбекович Абдуов. 🔷 По его словам, стационар рассчитан на 288 коек, на сегодняшний день в связи с увеличением потока пациентов, коечные мощности расширены до 453, из них для вирусных больных – 243 койки. 🔷 Ежесуточно в приемный покой стационара поступает до 450- 500 обращений, из них госпитализации подлежат всего 20-25%. Остальные пациенты получают рекомендации врача для лечения на дому. «Наш инфекционный стационар готов развернуть койки до 550, резервы имеются в случае роста заболеваемости, лекарствами мы обеспечены в полном объеме», – отметил руководитель инфекционной больницы. Он также призвал родителей не создавать скопления в приемных покоях стационара для избежания заражения перекрёстными инфекциями. 📌 В случае появления симптомов заболевания следует обращаться к своим участковым врачам, в фильтр кабинеты и отделения неотложной помощи в своих поликлиниках, можно также вызвать мобильную бригаду. 🚀https://t.me/DenMinPR