ҚР Денсаулық сақтау министрлігі | Министерство здравоохранения РК ⚜️

АСТАНАДА ЛЕЙКОЗ, ЛИМФОМА ЖӘНЕ СҮЙЕК КЕМІГІН ТРАНСПЛАНТАЦИЯЛАУ САЛАСЫНДАҒЫ ИННОВАЦИЯЛЫҚ ТӘСІЛДЕР ТАЛҚЫЛАНУДА 📌 11–12 қазан күндері Астанада «Гематология және сүйек кемігін трансплантациялаудың өзекті мәселелері» атты III Халықаралық ғылыми-практикалық конференция…

АСТАНАДА ЛЕЙКОЗ, ЛИМФОМА ЖӘНЕ СҮЙЕК КЕМІГІН ТРАНСПЛАНТАЦИЯЛАУ САЛАСЫНДАҒЫ ИННОВАЦИЯЛЫҚ ТӘСІЛДЕР ТАЛҚЫЛАНУДА 📌 11–12 қазан күндері Астанада «Гематология және сүйек кемігін трансплантациялаудың өзекті мәселелері» атты III Халықаралық ғылыми-практикалық конференция…

АСТАНАДА ЛЕЙКОЗ, ЛИМФОМА ЖӘНЕ СҮЙЕК КЕМІГІН ТРАНСПЛАНТАЦИЯЛАУ САЛАСЫНДАҒЫ ИННОВАЦИЯЛЫҚ ТӘСІЛДЕР ТАЛҚЫЛАНУДА 📌11–12 қазан күндері Астанада «Гематология және сүйек кемігін трансплантациялаудың өзекті мәселелері» атты III Халықаралық ғылыми-практикалық конференция өтуде. Іс-шараны Ұлттық ғылыми онкология орталық елордалық гематолог дәрігерлер Қауымдастығының қолдауымен ұйымдастырды. ✔️ Конференцияға Қазақстан, Ресей, Беларусь, Әзербайжан, Түркия, Қытай және Өзбекстан елдерінен келген 300-ден астам маман – гематологтар, онкологтар, химиотерапевтер, трансплантологтар, патоморфологтар мен ғалымдар қатысуда. ➡️ Биылғы кездесудің басты ерекшелігі – ашық кәсіби пікірталас форматы. Дәрігерлер нақты клиникалық жағдайларды талқылап, науқастардың өмірінен алынған оқиғалармен бөлісіп, тиімді шешімдерді бірлесе іздестіруде. Мұндай тәжірибе алмасу тәсілі тек білімді кеңейтіп қана қоймай, диагностика мен емдеудің бірыңғай тәсілдерін қалыптастыруға мүмкіндік береді. 🔷 Конференция бағдарламасы кең тақырыптарды қамтиды – жедел лейкоздар мен лимфомаларды емдеудің инновациялық әдістерінен бастап, сүйек кемігін трансплантациялау мен CAR-T терапиясының заманауи технологияларына дейін. Сондай-ақ, клиникалық зерттеулердің соңғы нәтижелеріне, диагностика мен пациенттерді бағыттаудың жаңа тәсілдеріне, емнің сабақтастығын қамтамасыз етуге және арнайы медициналық көмекті ұйымдастыруға ерекше назар аударылды. Бұл конференция тәжірибе алмасуға, ғылыми жетістіктер мен клиникалық тәжірибені бөлісуге арналған маңызды алаңға айналды. Әр түрлі елден келген сарапшылардың барлығы гематологиялық ауруларды емдеуді қолжетімді, сапалы және ең бастысы – науқастың мүддесіне бағыттау. 🚀https://t.me/DenMinPR

А.Н. СЫЗҒАНОВ АТЫНДАҒЫ ОРТАЛЫҚТЫҢ ТӘЖІРИБЕЛІ ХИРУРГТЕРІ ӨЗБЕКСТАНДЫҚ НАУҚАСТАРҒА 17 КҮРДЕЛІ ОТА ЖАСАДЫ 📌 А.Н. Сызғанов атындағы Ұлттық ғылыми хирургия орталығының бес мамандандырылған бригадасынан құралған топ Өзбекстан Республикасындағы Қазақстанның медицина…

А.Н. СЫЗҒАНОВ АТЫНДАҒЫ ОРТАЛЫҚТЫҢ ТӘЖІРИБЕЛІ ХИРУРГТЕРІ ӨЗБЕКСТАНДЫҚ НАУҚАСТАРҒА 17 КҮРДЕЛІ ОТА ЖАСАДЫ 📌А.Н. Сызғанов атындағы Ұлттық ғылыми хирургия орталығының бес мамандандырылған бригадасынан құралған топ Өзбекстан Республикасындағы Қазақстанның медицина күндері аясында тәжірибе алмасу үшін Ташкент қаласына аттанды. ➡️ Орталықтың жетекші хирургтары 17 күрделі отаны сәтті өткізіп, өзбек әріптестеріне арналған бірқатар мастер-кластар өткізді. ✍️ Сондай-ақ, А.Н. Сызғанов атындағы Ұлттық ғылыми хирургия орталығы мен В. Вахидов атындағы Республикалық мамандандырылған ғылыми-практикалық медициналық хирургия орталығы арасында ынтымақтастық туралы меморандумға қол қойылды. Құжат тараптардың бірлескен ғылыми жобаларды дамытуға, мамандармен алмасуға және медициналық кадрлардың біліктілігін арттыруға бағытталған. ⚡️ Сапар барысында профессор Болатбек Баймаханов өзбек әріптестеріне Қазақстан трансплантологиясы мен лапароскопиялық хирургия мектебінің жетістіктерін таныстырып, бауыр трансплантациясынан кейінгі билиарлық асқынулар мен ұйқы безі-дванадцатперстная ішек резекциясының нәтижелері туралы дәріс оқыды. Бұл баяндамалар өзбекстандық әріптестердің зор қызығушылығын тудырды. Сонымен қатар, қазақстандық дәрігерлер Ташкент қаласындағы В. Вахидов атындағы Республикалық мамандандырылған хирургия орталығында және Қаршы қаласындағы Республикалық кардиология орталығының филиалында жұмыс істеді. 🔷 Сапар барысында қазақстандық мамандар гепатобилиарлық, эндоскопиялық, кардиохирургиялық және эндоваскулярлық бағыттар бойынша бірқатар оталар жасап, өздерінің жоғары кәсіби деңгейін және заманауи емдеу тәсілдерін көрсетті. ⚡️ Ташкентте гепатопанкреатобилиарлық хирургия бөлімінің меңгерушісі Мейрам Досханов бауыр мен өт жолдарына лапароскопиялық ота жасау бойынша мастер-класс өткізіп, әртүрлі күрделіліктегі төрт отаны сәтті орындады. ➤ Ерлан Абдрашевтың жетекшілігімен эндоскопиялық хирургия бойынша мастер-кластар өткізілді. Оның барысында өңештің жаңа түзілістерін эндоскопиялық резекциялау және пероральды миотомия операциялары жасалды. ➤ Рентгенхирургия және интервенциялық кардиология бөлімінің меңгерушісі Әділ Байымбетов жүрекшелердің фибрилляциясы бар науқастарға криобаллондық абляция процедураларын жүргізді. ➤ Эндоваскулярлық хирург Е.Абилханов төрт жоғары технологиялық отаны орындады, олардың ішінде қарыншааралық перде ақауын транскатетерлік жабу және өкпе артериясы стенозында баллонды вальвулопластика операциялары бар. ➤ Кардиология орталығының Қаршы филиалында орталықтың кардиохирургия бөлімінің меңгерушісі Бауыржан Рақышев өзбек әріптестерімен бірлесіп төрт жүрек отасын жүргізді. Олардың қатарында митралды қақпақшаны протездеу және сол жақ жүрекшедегі миксоманы алып тастау операциялары болды. Қазақстандық хирургтар отандық хирургия мектебінің жетістіктерін және заманауи емдеу технологияларын таныстырып, өзбек науқастарына денсаулығын қалпына келтіруге және өмір сапасын арттыруға мүмкіндік берді. 🚀https://t.me/DenMinPR

ӨЗБЕКСТАНДА ҚАЗАҚСТАННЫҢ МЕДИЦИНА КҮНДЕРІ ӨТЕДІ 🇰🇿🇺🇿13–17 қазан аралығында Өзбекстан Республикасында Қазақстан Республикасы Денсаулық сақтау министрлігінің бастамасымен Өзбекстан Республикасының салалық ведомствосының қолдауымен Қазақстанның медицина күндері…

ӨЗБЕКСТАНДА ҚАЗАҚСТАННЫҢ МЕДИЦИНА КҮНДЕРІ ӨТЕДІ 🇰🇿🇺🇿13–17 қазан аралығында Өзбекстан Республикасында Қазақстан Республикасы Денсаулық сақтау министрлігінің бастамасымен Өзбекстан Республикасының салалық ведомствосының қолдауымен Қазақстанның медицина күндері өтеді. ➤ Іс-шараның мақсаты – халықаралық ынтымақтастықты нығайту, озық тәжірибе алмасу және қазақстандық денсаулық сақтау жүйесінің жетістіктерін көрсету болып табылады. 🔷 Елдің жетекші ғылыми-медициналық орталықтарының дәрігерлер бригадалары – Ұлттық нейрохирургия орталығы, Акушерлік, гинекология және перинатология ғылыми орталығы, Ұлттық ғылыми кардиохирургия орталығы, Қазақ онкология және радиология ғылыми-зерттеу орталығы, Ұлттық онкология орталығы, Кардиология және ішкі аурулар ҒЗИ, Травматология және ортопедия Ұлттық ғылыми орталығы, сондай-ақ UMC корпоративтік қорының клиникалары – Бұхара, Нүкіс, Самарқанд, Ферғана және Ташкент қалаларына барып, кеңес беру, күрделі интервенциялық ем-шаралар жүргізу, заманауи диагностикалық және емдеу әдістемелерін тәжірибеде қолдану бойынша тәжірибе алмасу жұмыстарын жүргізеді. ➤ Медицина күндерінің бағдарламасына заманауи нейрохирургиялық операциялар өткізу бойынша бірегей технологиялар мен шеберлік сыныптары, жүктілікті жүргізудің инновациялық тәсілдері, жаңа туған сәбилердің жағдайын бағалау әдістері, балалар онкологиясы мен генетикасы бойынша кеңестер, туа біткен ақаулары бар балаларға жасалатын имплантация операциялары, сондай-ақ трансплантология, онкология, акушерлік және гинекология, кардиохирургия салаларындағы интервенциялар кіреді. ⚡️ Делегация құрамына кардиологтар, онкологтар, хирургтар, радиологтар, анестезиолог-реаниматологтар және интервенциялық ем-шаралар бойынша мамандар енді. «Қазақстанның медицина күндерін өткізу — бұл жай ғана тәжірибе алмасу емес. Бұл біздің дәрігерлердің кәсібилігі мен технологиялық мүмкіндіктерін көрсететін нақты мысал. Мұндай бастамалар ғылыми және клиникалық әлеуетті біріктіруге, өңірлік ынтымақтастықты дамытуға және Орталық Азияда ортақ медициналық кеңістік қалыптастыруға мүмкіндік береді», — деп Қазақстан Республикасының Денсаулық сақтау министрі Ақмарал Әлназарова атап өтті. 📌 Іс-шара барысында денсаулық сақтау жүйесін цифрландыру, қашықтан оқыту, телемедицина және бірлескен ғылыми зерттеулерді дамыту мәселелеріне ерекше назар аударылады. ⏩ Медициналық іс-шаралардың қорытындысы бойынша екі елдің медициналық ұйымдары мен ғылыми институттары арасында өзара ынтымақтастық туралы меморандумдарға қол қою, сондай-ақ ғылым, білім және клиникалық тәжірибе салаларындағы бірлескен жобалардың жол картасын әзірлеу жоспарлануда. 🚀https://t.me/DenMinPR

ПСИХИКАЛЫҚ ДЕНСАУЛЫҚТЫҢ ДҮНИЕЖҮЗІЛІК КҮНІ: ІШКІ ТЕҢДІККЕ ҚАМҚОРЛЫҚ 📌 10 қазан – бүкіл әлемде Психикалық денсаулықтың дүниежүзілік күні атап өтіледі. Бұл күн – қоғамның психикалық саулықтың маңыздылығы туралы хабардарлығын арттыруға, стигманы азайтуға және…

ПСИХИКАЛЫҚ ДЕНСАУЛЫҚТЫҢ ДҮНИЕЖҮЗІЛІК КҮНІ: ІШКІ ТЕҢДІККЕ ҚАМҚОРЛЫҚ 📌10 қазан – бүкіл әлемде Психикалық денсаулықтың дүниежүзілік күні атап өтіледі. Бұл күн – қоғамның психикалық саулықтың маңыздылығы туралы хабардарлығын арттыруға, стигманы азайтуға және мамандар, ұйымдар мен азаматтардың күш-жігерін біріктіруге бағытталған жыл сайынғы іс-шара. 🔷 Психикалық денсаулық – бұл тек аурудың жоқтығы ғана емес, адамның ішкі тепе-теңдік күйі, ол кезде адам күйзеліске төтеп бере алады, өзінің әлеуетін жүзеге асырады, жемісті еңбек етеді және отбасы мен қоғам өміріне үлес қосады. Соңғы жылдары Қазақстанда психикалық денсаулық мәселелеріне ерекше назар аударылуда. Денсаулық сақтау министрлігі өңірлермен бірлесе отырып, психологиялық және психиатриялық көмекті күшейту, реабилитациялық және профилактикалық бағдарламалар желісін дамыту, мамандар даярлығын кеңейту бойынша жүйелі жұмыс жүргізуде. 🔷Алдын алуға ерекше назар Бастапқы профилактикаға ерекше мән беріледі: ➤ күйзеліс пен эмоциялық бұзылыстарды ерте анықтау; ➤ өзін-өзі реттеу және күйзеліске төзімділік дағдыларын үйрету; ➤ жасөспірімдер мен жастар арасында психологиялық ағарту жұмыстарын жүргізу; ➤ отбасы мен ата-аналарды қолдау бағдарламаларын дамыту. 🔹Стигманы еңсеру – ортақ міндет Көптеген адамдар қорқыныш, стигма немесе қайда жүгінерін білмеу себепті көмекке жүгінбейді. Ашық есік күндерін, ағартушылық акцияларын өткізу, мектеп және жоғары оқу орындары психологтарының жұмысы – психиатриялық және психологиялық көмек жүйесіне деген сенімді арттыру мен кедергілерді азайтудың маңызды қадамдары. 🔹Психикалық саулықты сақтау бойынша мамандар кеңесі: 1. Эмоциялық ресурсты сақтау – еңбек пен демалысты алмастыру, хоббиге және табиғат аясындағы демалысқа уақыт бөлу. 2. Дененің белгілерін елемеу – ашуланшақтық, ұйқысыздық, тұрақты шаршау мен мазасыздық эмоционалды күйіп кетудің белгілері болуы мүмкін. 3. Сезімдер туралы ашық айту – уайыммен бөлісу, жақындармен сөйлесу немесе мамандардан көмек сұрау. 4. Көмек сұраудан ұялмау – психикалық денсаулыққа қамқорлық жасау әлсіздік емес, жауапкершіліктің белгісі. Психикалық денсаулықтың дүниежүзілік күні Дүниежүзілік психикалық денсаулық федерациясының (WFMH) бастамасымен бекітіліп, Дүниежүзілік денсаулық сақтау ұйымының (ДДҰ) қолдауымен өткізіледі. 2025 жылдың ұраны — «Психикалық денсаулық – әр адамның әмбебап құқығы». 🚀https://t.me/DenMinPR

ҚАЗАҚСТАНДАҒЫ ПАЛЛИАТИВТІК КӨМЕК: ПРЕПАРАТТАР ТІЗІМІ МЕН СТАЦИОНАРЛАР ҚУАТЫ КЕҢЕЙТІЛДІ 📌 2025 жылы стационарлық деңгейде паллиативтік көмек көрсету тарифі артты, сондай-ақ кепілдендірілген тегін медициналық көмек (КТТМК) шеңберінде мобильді бригадаларды қаржыландыру…

ҚАЗАҚСТАНДАҒЫ ПАЛЛИАТИВТІК КӨМЕК: ПРЕПАРАТТАР ТІЗІМІ МЕН СТАЦИОНАРЛАР ҚУАТЫ КЕҢЕЙТІЛДІ 📌 2025 жылы стационарлық деңгейде паллиативтік көмек көрсету тарифі артты, сондай-ақ кепілдендірілген тегін медициналық көмек (КТТМК) шеңберінде мобильді бригадаларды қаржыландыру…

ҚАЗАҚСТАНДАҒЫ ПАЛЛИАТИВТІК КӨМЕК: ПРЕПАРАТТАР ТІЗІМІ МЕН СТАЦИОНАРЛАР ҚУАТЫ КЕҢЕЙТІЛДІ 📌 2025 жылы стационарлық деңгейде паллиативтік көмек көрсету тарифі артты, сондай-ақ кепілдендірілген тегін медициналық көмек (КТТМК) шеңберінде мобильді бригадаларды қаржыландыру көлемі ұлғайтылды. «Бұл шаралар науқастардың паллиативтік көмекке қолжетімділігін арттыруға, инфрақұрылымды нығайтуға және қызметтің барлық деңгейлерінде дамуын ынталандыруға мүмкіндік береді», — деп атап өтті Денсаулық сақтау министрі Ақмарал Әлназарова Алматы қаласында өткен паллиативтік көмек көрсету мәселелеріне арналған жыл сайынғы конференция қатысушыларына арнаған құттықтау сөзінде. 🔻 Қазақстанда паллиативтік көмекті дамыту – денсаулық сақтау жүйесінің басым бағыттарының бірі. «Жазылмайтын дертке шалдыққан адамдарға сапалы паллиативтік көмек ұйымдастыру – бұл жай ғана медициналық міндет емес. Бұл – адамгершілік, мейірім және әділеттілік мәселесі. Қазіргі уақытта паллиативтік көмек көрсетуді ұйымдастырудың жаңа ұлттық стандарттары әзірленуде. Олар тәсілдерді біріздендіруге, қызмет сапасын арттыруға және мультидисциплинарлық командалардың тиімді жұмысын қамтамасыз етуге бағытталған. Бұл жұмыстар стационар жағдайында да, үй жағдайында да жүргізіледі. Әсіресе, балалар паллиативін дамыту – алда бізге үлкен жауапкершілік жүктейтін маңызды бағыт», – деді министр. 🔆 2025 жылғы 1 қаңтардағы жағдай бойынша, Қазақстанда паллиативтік төсек-орын саны нормативке жеткізілді — әр 100 мың адамға 10 төсек. Ел бойынша барлығы 2 087 төсек орны ұйымдастырылған, оның ішінде 81-і балаларға арналған. 🔆 Республиканың 20 өңірінде 220 мобильді бригада жұмыс істейді. 🔆 Қазіргі уақытта Қазақстанда 9 дербес мекеме паллиативтік көмек көрсетеді (Алматы, Жамбыл, Қарағанды, Павлодар, Солтүстік Қазақстан, Шығыс Қазақстан, Абай облыстарында, сондай-ақ Алматы және Шымкент қалаларында). Паллиативтік көмекке мұқтаж науқастардың ауру құрылымы кеңейді: • онкологиялық аурулар — 41%, • жүрек-қантамыр жүйесі аурулары — 27%, • тыныс алу жүйесі аурулары — 12%, • жарақаттар — 11%, • туберкулез — 2%. 🔆 Паллиативтік көмек көрсету кезінде қолданылатын анестетиктер мен дәрілік заттар тізімі 18 атауға дейін кеңейтілді. 2025 жылға Бірыңғай дистрибьютор 318,1 млн теңге сомасына 9 атаудағы дәрілік заттарды (2 млн-нан астам бірлік) сатып алды. Сонымен қатар,қазіргі заман талабына сай келтіру мақсатында Денсаулық сақтау министрлігі паллиативтік көмек көрсету стандартына өзгерістер енгізуді жоспарлап отыр. 🔷 Конференция қорытындылары жазылмайтын дертке шалдыққан адамдардың өмір сапасын қамтамасыз ететін интеграцияланған паллиативтік көмек жүйесін қалыптастыру жолындағы жаңа қадам болмақ. 🚀https://t.me/DenMinPR