Post #1417

Қазақстанда ГАЗ неге тапшы? Оның бір себебі, елімізде кейбір газ өңдеу зауыттары 100% қуатта жұмыс істей алмай жатыр, газ ресурсының аздығына байланысты. Мысалы, осы күнде Жайықмұнайгаз газ өңдеу зауыты тек 15% күшінде қызмет етіп келеді. Бұл зауыттан 100 шақырым жерде Қарашығанақ кен орны орналасқан. Бұл кен орнында еліміздегі газ қорының және өнімінің жартысы өндіріледі. Ендеше, неге үлкен кен орнының қасында бола тұра, Жайықмұнайгаз зауыты 100% еңбек ете алмайды? Себебі Қарашығанақ газының жартысы кері кен орнына қайта айдалса, жартысы Ресейге жөнелтіліп жатыр. Бұл газ стратегиясында назарға алынуы тиіс өзекті тақырып деп ойлаймын. Өзге де мәселелерді GreenTalks подкастында атап өттім.