Post #1606

⚡️Қазіргі уақытта атом энергиясы әлемдік электр энергиясының 10% қамтиды және 439 реактор белсенді қызмет етуде. Оның басым көпшілігі АҚШ-та орналасқан. 2010 жылдан бастап Азия мемлекеттері бірталай атом реакторларын салып, саладағы өз үлесін арттырып жатыр. Сондай елдердің қатарында Біріккен Араб Әмірліктері (БАӘ) бар. 🇦🇪 БАӘ мұнайгаз қорына ие, сонымен қатар күн жақсы түсетін аймақта орналасқан. Оларға атом электр станцияларын салуға не түрткі болды? Сауд Арабиясы, БАӘ-де көп жыл бойы қызмет етіп келген, мұнайгаз саласының білікті маманы Аслан Бөлекбайдың айтуынша, соңғы жылдары бұл аймақтарда электр тұтыну ерекше өскен (инфрақұрылым дамыған, индустрия артқан), сәйкесінше электрэнергия тапшылығы орын алуда. Мұнай баррелін кетіру тиімсіз болғандықтан, баламалы энергия көздеріне акцент берілуде. Жалпы, БАӘ электрэнергия секторының 86% - табиғи газ; 7% - атом энергиясы; 4% - күн энергиясы; 2% - көмір; 1% - мұнай құрайды. Қазіргі уақытта елде Барака қаласында 4 атом реакторы қызмет атқаруда, төртінші энергоблок биыл наурызда іске аса бастады. БАӘ-нің жаңа Clean Energy стратегиясына сәйкес, 2050 жылға таман елде электрэнергияны 50% - атом және баламалы энергия көздерінен, 38% - газ, 12% - көмірден алу жоспарланады. Бұл мақсатты іске асыру үшін 163 млрд АҚШ доллары мөлшерінде инвестиция көзделген. 🎙️Подкасттың толық нұсқасында еліміздегі және шетелдегі энергия көздері, мұнайгаз саласының мамандары және олардың біліктілігі, халықаралық тәжірибе және басқа да өзекті тақырыптарды таба аласыздар 👇🏻 📹Energy Podcast 🎤Apple Podcast 🎤Amazon Music 🎤Google Podcast 🎤Yandex Music 🎤RSS Podcast