Post #1891

💬 Кеше "Ашық алаң" бағдарламасында еліміздегі АЭС құрылысы туралы пікір алмасуға қатыстым. Сол бағдарламада атап өткендей, Еуропа елдерінде электр энергиясын тұтыну мен АЭС-тің болуы арасында тікелей байланыс бар екені байқалады. ⚛️ АЭС салынған елдерде электр энергиясы профицит, мысалы, Франция, Испания, Швеция, Румыния. Ал баламалы энергия көзіне (күн, су) акцент қойған, АЭС жоқ елдерде, керісінше, дефицит байқалады. Өзгеше кейстер де бар. Мысалы, Ұлыбританияда қызмет етіп жатқан бірқатар АЭС бар. Соған қарамастан, олар электр энергиясын сырттан сатып алады. Себебі бұл мемлекетте халық саны көп және тұтыну жылдам өсіп келеді, ал ел ішіндегі энергия қуаты бәріне жеткіліксіз. 🔄АЭС қызмет ету ұзақтығы кемінде 50-60 жылға дейін барады, және ол ұзақ мерзімді тұрақты энергиямен қамтамасыз ете алады. Баламалы энергия көздері климат пен географиялық аймаққа тәуелді, сондай-ақ оларды 10 жылдың ішінде жаңартып, ауыстырып отыру қажет. Осы тұрғыда электр энергия көзін жан-жақты дамыту және әртараптандыру маңызын атап өту керек. Яғни, баламалы энергия да, атом энергиясы да дәстүрлі энергия түрімен дамып отырса, бір ғана қуат көзіне тәуелді болмаймыз. Елімізде АЭС құрылысы жан-жақты талқыланып келе жатқан үлкен тақырып. Бағдарламада атом энергиясының даму келешегін де талқылап өттік. Мысалы, Қазақстан үшін жаңа станция тек қана ел ішіндегі сұранысты жаппай, сондай-ақ көрші елдерге де энергия сатуға мүмкіндік аша алады. Бағдарламаның толық нұсқасын осы сілтеме арқылы көре аласыздар ⬇️ 📹Ашық алаң 📹 🚀https://t.me/EnergyAnalytics