Post #2000

Бүгін "Егемен Қазақстан" газетінде "Тәуекел еркіндікті қалайды" атты мақала жарыққа шықты. Мақаладағы басты ойларды ұсынамын ⬇️ Жоспарлы экономикада бір мақсат қояды, сол мақсатты орындау үшін бүкіл көмекші факторларды жұмылдырады. Нарықтық экономикада бәрі табиғи. Яғни сіз мақсат қоймайсыз, ненің сұранысы көп болса, сол басып озады. Энергетика министрлігі әлі де болса жоспарлы экономиканың тұсауында. Олар жыл сайын 90 млн тонна межесінен түспеуіміз керек дейді. Мақсат сондай. Тереңірек үңілетін болсақ, нарықтағы қаншама компанияны осы мақсатқа жету жолында қинауы да мүмкін. ✍️✍️✍️ Шетел тәжірибесінде мұнай өндірісін тәуекелдерді басқару арқылы есептейді. Кемі үш сценарий құрылады – ең қолайсыз жағдай, қазіргі жағдай және ең жақсы жағдай. Осы үшеуі арасында өндірістің диапазоны анықталады. Тым төмен деңгейде қанша өндіресіз, орташа көлемі қанша болады және ең көп өндіріс деңгейі қалай қалыптасады дегендей. ✍️✍️✍️ Егер Теңіздің келешек кеңею жобасы іске қосылса, еліміз 100 млн тонна өндіру мақсатына жетіп те қалар. Ол 2026-2027 жылдары іске қосылады деп жоспарланып отыр. Бірақ одан басқа тиімді жоба жоқ бізде. Мұнай-газ саласында перспективалы жобаны іске асыру үшін кем дегенде 10-15 жыл уақыт кетеді. Теңіз жобасы іске қосылғаннан кейін де, өндіріс заңдылығына сәйкес, қысым төмендеп, шамамен 2030 жылдарға таман өндіріс деңгейі қайтадан 100 млн тоннадан төмен түсіп кетеді. 100 млн тонналық межені ұстап тұру үшін әрқашан инвестиция құйылып тұруға тиіс. Сондай-ақ мақалада кен орындарын инвестор­лар­дың еркіне беру, мұнай өндірісін арттыру келешегі және ұтымды халықаралық тәжірибе туралы сарапшылық ой-пікірімді бөлістім. Толық нұсқасын осы сілтеме арқылы оқи аласыздар: https://egemen.kz/article/375695-tauekel-erkindikti-qalaydy 📱https://t.me/EnergyAnalytics