Post #2129

🛢Тақтатас мұнайы: жаңа өндірістің келешегі бар ма? 📌"ҚазАқпарат" Халықаралық агенттігіне берген сұхбаттан үзіндіні ұсынамыз. Толық нұсқасы ➡️осында. 💻 Тақтатас мұнайының нарығы туралы Жалпы, мұнайдың өзі дәстүрлі және дәстүрлі емес болып екі түрге бөлінеді. Дәстүрлі емес санатқа осы тақтатас мұнайын жатқызамыз. Қазір әлем елдері тақтатас мұнайына көбірек көңіл бөлуде. Себебі дүниежүзінде дәстүрлі мұнай сарқылып жатыр. Бұның анық мысалын АҚШ-тан көрсек болады. Қазір Американың мұнай өндірісі бойынша Сауд Арабиясы мен Ресейді басып озып кетуінде тақтатас мұнайының үлесі орасан. Қазір АҚШ-қа тиесілі мұнай өндірісінде тақтатас мұнайының үлесі - 70 пайызға жуық. Қалған 30 пайызы – дәстүрлі мұнай. 2000 жылдардың басында дәстүрлі мұнайдың үлесі 90 пайыз болған еді. Демек, сол кезден бері тақтатас мұнайының өндірісі бұл елде 7 есе артқан. 📈Тақтатас мұнайының ерекшелігі – мұнай дәуірін ұзартуында. Орта есеппен АҚШ күніне 13 млн баррель мұнай өндіреді, егер тақтатас мұнайы болмағанда, дәстүрлі мұнай өндірісінің межесі 4 млн баррель ғана болар еді. Қалған көлемді сырттан импорттап, Америка әлемде мұнай өндіру бойынша бірінші болмайтын. Сондықтан тақтатас мұнайының келешектегі маңызы ерекше. Тақтатас мұнайының өзіндік өндіру бағасы бар. 2010 жылы барреліне 80 доллар болса, 2023 жылы бағасы 40-50 долларға төмендеді. Яғни, тақтатас мұнайын өндіру арзандады. Әрине, жаңа кен орындарында шығын көрсеткіші 60 долларға жетуі мүмкін. Бұл тұста ескерер дүние, мұнай бағасы барреліне 60 доллардан кем түсуі – бәрінен бұрын АҚШ-тың өзіне тиімсіз. Өйткені 70 пайыздан астам мұнайы тақтатасқа тиесілі 🛢Тақтатас мұнайын игеруге Қазақстанның тәжірибесі жете ме? Жалпы, еліміз отандық мердігерлер арқылы бұл істі қолға ала алатыны анық. Дегенмен өндіріске шетелдік әріптестердің араласқаны жөн. Қазақстан 2010 жылдан бастап горизонтальдық ұңғыма қазу секілді технологияларды қолданып келеді. Тақтатас мұнайын өндіре алатын қазақстандық мердігерлер бар. Сондықтан отандық мамандардың тәжірибесі жеткілікті деп ойлаймын. Бірақ шетелдік мердігерлердің де келгені жөн. Олардың жаңа технологияларынан қалыс қалмағанымыз дұрыс. Бұл – бәсекелестіктің артуына себеп болады. 🌎Қоршаған ортаға әсері туралы Америкада тақтатас мұнайын өндіру үшін су әзірлейтін арнаулы орталықтар бар. Ал су тапшы жерде оны шығару қиын. Бұл жерде бірақ біз тұтынатын күнделікті су емес, жер асты суларын пайдаланатынын ескерген жөн. Тапшылық болмайтындай жолдарын табуға болады, АҚШ осылай жүзеге асыруда. Міне, осыдан экология тақырыбы шығады. Америкалық ғалымдардың нақты ғылыми дәлелі болмаса да, «тақтатас мұнайы өндірілген аймақтарда келешекте жер сілкінісі болуы мүмкін» деген болжамдары бар. Себебі өндіріс кезінде жер қойнауын жарғанда үлкен жарықшақтар қалады 🗣️ Қосымша АҚШ-тағы тақтатас мұнайы туралы посттарымызды оқуға кеңес береміз: 1-пост, 2-пост 📱https://t.me/EnergyAnalytics