Post #2272

📱 Осыдан бірнеше ай бұрын «Қазақстаннан сирек жер металдары» табылды деген жаңалық шыққан болатын. Бұл жаңалық тура АҚШ-тың Украинадағы сирек металдарды игеру бастамасы туралы ақпаратпен қатар тарады да, көпшілік лезде назар аударды. Иә, рас бізде сирек металдары бар болуы мүмкін, алайда бұл тақырыпқа терең үңіліп, асықпай байыптаған жөн. Тұрақты сарапшымыз Абзал Нарымбетов осылай дейді. 💰Оның айтуынша, мұндай кен орындары әлемде көп-ақ. Оны игеру тиімді ме, тиімді емес пе, мәселе сонда. Көп жағдайда оны пайдалану тиімсіз болғандықтан қор ретінде есептемейді, ресурс ретінде есептейді. Біздің ақпарат құралдары «болжам бойынша сирек металдар қоры 20 млн тоннадан асады, 300 метр тереңдікте, орташа құрам – тоннасына 700 грамм» деп жазған. Жаңалық болсын деп жаза береді. Шынымен рас болса, әлдеқашан АҚШ, Қытай немесе Ресей игеруге араласар еді», дейді сарапшы. 📌Бұл ретте біз міндетті түрде геология мәселесін қозғаймыз. Шыны керек, 30 жылда геология саласында өлі тыныштық болды. Абзал Нарымбетовтың пайымдауынша, бұл саланы жеке, тәуелсіз мекемелерге беру керек. Себебі әр инвестор ақшасын мұқият есептеп, өзінің қызығушылығымен, ынтасымен жұмыс істейді. Қазір инвесторлар кері қайтып жатыр. 2024 жыл тарихымыздағы ең аз инвестиция тартқан жыл болды. Осы жылдың көрсеткіштері де мәз емес. Бұл не деген сөз? «Жоғарыдан төменге қарай» деген жүйе аса нәтижелі болмай тұр. Себебі біздегі әкімшілік кедергілерді жоймай, инвесторлар келе қоймайды. Егер өзіміз дайын болсақ, инвесторлар жоғары жақ айтпаса да, келер еді. Басшылар айтып жатыр, айтып жатыр, бірақ инвестиция келетін емес. Демек, астында проблема бар. Салық кодексі әлі күнге шетелден инвестор тартатын тиімді құралға айнала алмады. Кеңес одағынан қалған бақылау жүйелері – геология комитеті, орталық барлау комитеті сияқты мекемелер геологияда түрлі қатаң талаптар орнатып тастаған. Бұл жүйелердің құзыреті басым кезде инвесторлардың елімізге аяқ басуы екіталай. Бұдан шығатын қорытынды – бізге оңтайлы әкімшілік реформа керек», дейді ол. ✅Сарапшы колонкасының толық нұсқасымен мына сілтемеге өтіп, танысып шығуға болады.