Post #2283

🛢 Екі күн бұрын Қашаған жобасының іске қосылғанына 30 жыл толды. Кен орнында өндірілген мұнай көлемі алғаш рет 1 млрд баррельге жетті. Бұл еліміздің мұнайгаз саласы үшін жағымды жаңалық. Қашаған - әлеуеті зор, стратегиялық маңызы басым жоба. Алайда бүгінгі таңда Қазақстан бұл жоба пайдасынан 2 пайыз ғана өз үлесін алып отыр. Салыстырсақ, Теңіз жобасында салықтар мен басқа да түсімдердің үлесі 65 пайызға дейін жетеді, Қарашығанақта да жағдай әлдеқайда жақсы. Ал Қашағанда мұндай айырмашылықтың басты себебі — салынған инвестицияның әлі өтелмеуінде. 🧳 Ендеше, Қазақстан үлесін арттыру үшін қандай алғышарттар қажет? Біріншіден, кен орнынан кемінде 3 млрд баррель мұнай өндіру керек. Алғашқы 1 млрд баррельге жету үшін 2016 жылдан бері 9 жыл қажет болды. Қалған 2 млрд үшін тағы да 15 жылдай күтуіміз мүмкін. Екіншіден, жобаның рентабельділік деңгейін көтеру маңызды. Үшіншіден, инвесторлар салған қаржысын қайтарып алған кезде Қазақстанның үлесі де арта бастайды. Ал бұл үдерістер, өз кезегінде, мұнай бағасы мен басқа да сыртқы факторларға тәуелді. Демек, олардың іске асуы үшін де шамамен 10-15 жыл қажет етеді. Осылайша, Қашағаннан Қазақстанның үлесі 2035 жылға қарай айтарлықтай артуы мүмкін бе? Жоспарлау жағынан қарасақ, бұл әлдеқайда ұзағырақ уақыт алуы ықтимал. 🎙Мұнайгаз саласының маманы Нұрлан Жұмағұловпен подкастта еліміздегі 3 алып кен орны - Теңіз, Қашаған және Қарашығанақтың әлеуеті, келісім-шарттық ерекшеліктері мен даму келешегін талқылап өттік. Толық нұсқасына сілтеме осында. 📱https://t.me/EnergyAnalytics