Post #2302

📈 Газ бағасының өсуі туралы 🔥Соңғы жылдары елімізде тауарлық газдың тапшылығы байқалып отыр. Сонымен қатар, газды өндіру мен жеткізуге кететін шығындар да көбеюде. Осы мәселелерді шешу үшін мемлекет заңдарға өзгерістер енгізіп жатыр. Сарапшылардың айтуынша, газ өндірушілер табысқа шығу үшін алдағы үш жылда көтерме бағалар жыл сайын орта есеппен 33%-ға өсуі керек. Газ бағасы әр өңірдің нақты шығындарына қарай жеке есептеледі – сатып алу, тасымалдау және сақтау құнына байланысты. Негізі, бұл өзгерістер тек халық үшін ғана емес, өндіріс орындары үшін де маңызды. Мысалы, электр станциялары мен газ өңдеу зауыттары салынып келеді, олардың бәріне шикізат қажет. Оған қоса, газға сұраныс жыл сайын өсіп жатыр. Өткен жылы Ресейден 3,8 млрд м3 газ елімізге импортталды. Ресей сарапшыларының пікірінше, бұл көрсеткіш болашақта 4-5 млрд м3-ке дейін өсуі ықтимал. Сондықтан аталған факторларды ескерсек, сала алдында екі жол тұр: не газды Ресейден қымбат бағаға сатып алу керек, не ішкі нарықтағы бағаны біртіндеп көтеру қажет. Саланың осы және өзге де өзекті мәселелері туралы подкастымызда тамашай аласыздар. 📱https://t.me/EnergyAnalytics