Post #2355

Автоматтандыру өндірістегі процестерді жеңілдетіп, жылдамдатады. 📱 Соңғы эпизодтағы қонағымыз – автоматтандыру саласының білікті маманы Жанибек Ескендир – компьютерлік көру технологиясын қолдану тәжірибесімен бөлісті. Мысалы, пайдалы қазбалар саласында флотация процесінде компьютерлік көру бір ғана камера арқылы барлық процестерді дәл өлшеуге мүмкіндік береді. Бұрын оператор реагенттерді қосу мөлшерін өз көзімен бақылап шешім қабылдаса, қазір бұл жұмысты компьютер жасайды: қажетті мәліметтерді өлшейді, деректерді жібереді, соның арқасында процесс әлдеқайда жылдам әрі тиімді өтеді. Өз кезегінде өндірісте шығын да азаяды. Осындай технологиялар қауіпсіздік саласында да қолданылады – мысалы, зауыттарда өрттің алдын алу үшін температураны үздіксіз өлшеу сияқты. ❓ Болашақта мұндай технологиялардың дамуы жұмыс нарығына қалай әсер етеді? Қандай мамандар қажет болады және қазірдің өзінде қандай жаңа технологиялар белсенді қолданылуда? Осы және басқа сұрақтардың жауабын біз соңғы эпизодта талқыладық. Тыңдауға шақырамыз – сілтеме парақшамызда. 📱https://t.me/EnergyAnalytics