Post #2575

◾️ ЖИ, инновация және мұнайгаз - Қазақстандық маманның халықаралық тәжірибесі Бүгінгі эпизодта біз Қазақстан және әлемдік мұнайгаз нарығының ахуалы мен болашағын, ескі кен орындарын жаңғырту мәселесін, газ саласының даму перспективаларын, сондай-ақ жасанды интеллект пен деректерге негізделген шешімдердің индустрияны қалай өзгертіп жатқанын талқылаймыз. 🎙Түсірілім қонағы Аслан Бөлекбай — 20 жылдан аса тәжірибесі бар мұнайгаз саласының халықаралық деңгейдегі сарапшысы ADNOC, Saudi Aramco, OMV сынды ірі энергетикалық компанияларда жұмыс істеген. Дата-аналитика, машиналық оқыту және мұнай-газ инженериясы бағыттарында терең білімі мен көпжылдық тәжірибесі бар, инноватор, әлемдік 15 патент иегері. Спикер мұнайгаз саласындағы алғашқы қадамдарынан бастап, халықаралық компаниялардағы тәжірибесіне дейінгі жолын бөліседі. ЖИ құралдарын жеке тәжірибесінде қалай қолданатынын, оның мүмкіндіктері мен шектеулерін ашық айтады. Сондай-ақ пайдалы кітаптар мен кәсіби кеңестер ұсынып, инноватор ретінде кездескен қиындықтар мен мүмкіндіктерді талдайды. Қазақстан ғылымы мен отандық кадрлардың әлеуетін атап кетеміз. Шығарылым көрермендерге шабыт беріп, дамуға ұмтылған әр маманға пайдалы болады деп сенеміз. 📱 Таймкодтар 0:00 Подкаст тизері 2:04 Спикермен таныстыру, балалық шағы және мектеп кезеңі 5:15 ЖОО жылдары, әлеуетті дамыту және мұнай-газ саласына алғашқы қадамдар 8:50 Инновация жасау тәжірибесі және қажетті шарттар 11:44 Шетелдегі еңбек мәдениеті және ерте тұру дағдысы 14:17 Қазақстандық және шетелдік компаниялардағы мансап жолы 16:28 Америкалық компаниялар адами капиталды дамытады 18:39 Қазақстанда жасалған ғылыми және консалтингтік жұмыстар 20:01 Қазгеологиядағы тәжірибе және пайдалы қазбалар мәселесі 21:50 Австриядағы OMV компаниясындағы жұмыс және Saudi Aramco-ға жол 24:55 «Шаңырақ ГРП» қазақстандық бірегей инновациясы 27:57 Ұңғымаларды видео арқылы талдау технологиясы 29:20 Жасанды интеллект және жаһандық өзгерістер 31:44 Қазақстандық компаниялардың бәсекеге қабілеттілігі 34:49 Әлемдік мұнай-газ нарығы және Қазақстанға әсері 37:46 Ескі кен орындарын жаңғырту жолдары 40:18 Agile тәжірибесі Aramco және ТШО компанияларында 43:37 Заманауи әдіснамаларды енгізу шарттары 45:30 Қазақстандағы газ саласының ахуалы мен болашағы 51:22 Қазақстандық инновациялар және оларды қолдау ерекшеліктері 56:13 ЖИ құралдарын қолдану - спикердің жеке тәжірибесі 58:57 Біріккен өндірісті басқару процесі - менеджментті дамыту жолдары 1:03:51 Қазақстандық мамандардың бәсекеге қабілеттілігі 1:06:12 Жас мамандарға кеңес 1:09:27 Жаһандық мұнай-газ саласының болашағы 1:11:28 Қорытынды 📱https://t.me/EnergyAnalytics