Post #2577

🔥Қашағандағы жаңа газ өңдеу зауыты: Жоба Қазақстан экономикасына не береді? Жақында QazaqGaz пен катарлық UCC Holding компаниясы Қашағандағы қуаты 2,5 млрд текше метр болатын екінші газ өңдеу зауытының алдын ала жобалау кезеңін аяқтағаны белгілі болды. Baq.kz тілшілері жобаның экономикалық және стратегиялық қырларына қатысты пайдалы ақпарат бөлісіп, біздің сарапшылық пікірімізді сұрады. Мақаланың толық нұсқасы ⏩осында. ↪️Газ мемлекеттікі, бірақ оны өңдеу керек Қашағандағы газ мәселесінің өз ерекшелігі бар. Кен орнындағы мұнайды NCOC компаниясы өндіреді, ал газ мемлекет меншігіне тиесілі. Бірақ оны пайдалану үшін міндетті түрде өңдеу қажет. Қашағанның мұнайы – NCOC компаниясынікі, ал газы – мемлекеттікі. Бірақ ол газды пайдалану үшін алдымен өңдеу керек. Себебі оның құрамында күкірт бар, оны тазарту қажет. Сол үшін газ өңдеу зауыттары салынады. Газ өңдеу зауыттарын салу жауапкершілігі QazaqGaz компаниясына жүктелген. Алайда ұлттық компанияның қаржылық мүмкіндігі шектеулі болғандықтан, бұл жобаларға шетелдік инвесторлар тартылып отыр. Компанияның қаражаты жеткіліксіз болғандықтан, QazaqGaz катарлық UCC Holding компаниясымен бірге газ өңдеу зауыттарын салу туралы келісімге келді. Жобаның бірінші кезеңінде жылына 1 млрд текше метр газ өңдейтін зауыт салынуда. Ол негізі биыл желтоқсан айында іске қосылуы тиіс. Алайда уақыт жағынан біраз созылуы мүмкін деп пайымдаймыз. Ал екінші кезеңде жылына 2,5 млрд текше метр газ өңдейтін зауыт салу жоспарланған. Қазір оның алдын ала жобалау кезеңі аяқталды. Яғни құрылыс емес, қағаз жүзіндегі жобалау құжаттары дайын болды деген сөз. Енді негізгі мәселе – қаржыландыру. Егер 1 млрд текше метрлік зауыттың құны белгілі бір деңгейде болса, 2,5 млрд текше метрлік зауыт оған қарағанда екі-үш есе қымбатқа түсетіні анық. Сондықтан жобаның тағдыры қаржыландыруға байланысты болады. 📱https://t.me/EnergyAnalytics