Post #2945

🏢Бугун бўлиб ўтган навбатдаги ялпи мажлисда "Суд-экспертлик фаолияти тўғрисида”ги қонун лойиҳаси иккинчи ва учинчи ўқишда кўриб чиқилди ҳамда қабул қилинди. ❗️ Бугун суд тизимида адолатни таъминлашда эксперт хулосаларининг холислиги ва ишончлилиги ҳал қилувчи аҳамиятга эга. Шу боис суд-экспертлик соҳасини замонавий талаблар асосида ислоҳ қилиш — давр талаби. 📝 Қонун лойиҳаси билан: 🔍 давлат билан бир қаторда нодавлат суд-экспертиза ташкилотлари фаолиятига ҳуқуқий асос яратилади; 🔍 аккредитация ва валидация тизими жорий этилиб, экспертиза усулларининг илмий асосланганлиги таъминланади; 🔍 суд экспертлари ва ташкилотларининг очиқ давлат реестри шакллантирилади; 🔍 фуқаролар ва адвокатларга мустақил экспертиза сўрови бериш имконияти кенгаяди. 🔴Бу ўзгартириш ва қўшимчалар судда тортишув принципини мустаҳкамлаб, инсон ҳуқуқ ва манфаатларини ишончли ҳимоя қилишга хизмат қилади. 🔴 “Адолат” социал-демократик партияси фракцияси адолат, очиқлик ва қонунийлик тамойилларига таянган ҳолда суд-экспертлик соҳасини шаффоф, рақобатли ва ишончли тизимга айлантиришга имкон берувчи мазкур қонунни қўллаб-қувватлади. Adolat.uz | Facebook | Telegram | Instagram |Twitter | YouTube