Post #929

«Адолат» СДП Марказий аппаратида ходимларнинг ижтимоий-сиёсий фаоллигини, дунёда ва мамлакатимизда рўй бераётган янгиликлардан хабардорлигини ошириш мақсадида сиёсий ўқув бўлиб ўтди. Сиёсий ўқувда маърузачилар томонидан «Халқаро муносабатларда ташрифларнинг турлари»,«Ўзбекистонда хотин-қизларнинг ҳуқуқ ва эркинликларини таъминлашда давлат сиёсати» каби мавзулар бўйича иштирокчиларга батафсил маълумот берилди. Шунингдек, якунига етган ҳафта мобайнида мамлакатимиз ижтимоий-сиёсий ҳаётида юз берган муҳим воқеа-ҳодисалар тафсилоти ҳамда уларнинг аҳамияти ҳақида сўз борди. Сиёсий ўқув давомида жамиятда китобхонликни кенг тарғиб қилиш хусусан, партия ходимларининг китобхонлик маданиятини юксалтириш мақсадида ўзбек ва жаҳон адабиётидаги ижод намуналари ўқиб эшиттирилиши анъанага айланган. Бу гал ўзбек адабиётининг таниқли намоёндаси Абдулла Қаҳҳорнинг «Даҳшат» ҳикоясига мурожаат қилинди. Ҳикоянинг мазмун-моҳияти, унинг бугунги кундаги долзарб аҳамияти бўйича фикр-мулоҳазалар билдирилди. Якунда навбатдаги сиёсий ўқувни юқори савияда ўтказиш бўйича таклиф ва тавсиялар берилди. Adolat.uz | Facebook | Telegram | Instagram | Twitter | YouTube