Post #2301

Pirimqul Qodirov hayot bo‘lganida, uning shogirdligiga so‘rab borgan bo‘lardim Pirimqul Qodirov o‘zbek adabiyotining haqiqiy ma’naviy kompasi ekanini takrorlashdan charchamayman. U qanday asar yozmasin - tarixiy drama, talabalar hayoti haqidagi roman, shaharga oid detektiv yoki qisqa hikoya bo‘lsin - uning syujetlari, qahramonlari, ularning suhbatlari va xatti-harakatlari o‘zbek jamiyatida qanday inson bo‘lib qolish kerakligini pand-nasihatsiz ko‘rsatib beradi. “Jon shirin” degan qisqa hikoyani olaylik. Unda bosh qahramon - Muzaffar ismli qishloq poliklinikasining yangi ish boshlagan shifokori paxta dalasida pestitsidlardan zaharlanib vafot etgan bolaning o‘limida o‘z aybini yashirmoqchi bo‘lgan tuman qo‘mitasi raisi bilan kurashga kirishadi. Buning ustiga, rais bu aybni yosh shifokorning bo‘yniga qo‘ymoqchi bo‘ladi. Pirimqul Qodirov “Jon shirin” qissasida ham barcha asarlarida bo‘lgani kabi qahramoni - sodda, halol, katta qalb egasi, professional qahramonini betgachoparlik, shafqatsizlik bilan to‘qnashtiradi. Muzaffar raykom raisi bilan kurashish uchun zarur bo‘lgan kuch va aloqalarga ega emasligini aniq biladi, lekin oliy adolat mo‘jizasiga chin dildan ishonadi. Qodirovning mo‘jizasi ham aynan shunda: adolat doimo halol inson tomonida bo‘ladi, degan sodda ishonch. Qodirov qahramonlari boshqacha yo‘l tutolmaydi, shunchaki. Muzaffar rais bilan qattiq tortishuvdan so‘ng, dastlab urush boshlash kerakmi yo‘qmi, deb o‘ylanadi, biroq tez orada o‘z e’tiqodiga xiyonat qilsa, o‘zi bilan yashay olmasligini tushunib yetadi. Yozuvchi qahramonlari o‘z qadriyatlarini voqealar rivoji davomida shakllantiradilar. Muzaffar esa davlat tomonidan sovg‘a qilingan kvartira begunoh bolaning o‘limi tashxisini o‘zgartirishga arziydimi, deb o‘ylaydi. Tanlov juda mushkul: bir tomondan, kambag‘al shifokorning yosh oilasi farovonligi, boshqa tomondan esa, shifokorlik burchi turadi. Tabiiyki, halollik ustun keladi. Bu borada Pirimqul Qodirovga teng keladigani yo‘q. Har birimizga ishonch kerak - hech bo‘lmaganda dunyoni Muzaffarga o‘xshagan jasur qahramonlar bunyod etayotganiga ishonch zarur. @andanotherday