Post #1634

Мшаԥы 3 рзы иҭыҵит аубых ашәа ҿыц "Ԥырын". Ацыԥҵәахақәа ҳаҳауан мызк аахыс, иахьа аҵыхәанӡа ҳазыӡырҩит. Ари ажәабжь аҿы зегь реиҳа игәахәароу — иазхәыцызгьы, иаԥшьызгазгьы, иназыгӡазгьы аҿар роуп! Ашәа лҳәоит абжьы хаа зхоу ашәаҳәаҩ, акәашаҩ Сабрина Ԥкьын, ажәақәа зыҩыз аҷкәын д-Ҩардануп. Атекст —убыхшәа цқьоуп, аграмматика аганахьала ибла ахигеит абызшәа ҭызҵаауа Инал Баҟ (Ҭәахыбза). Аԥсуаа рахьтә уажәаԥхьа убых бызшәала ашәа иҳәахьан Нарсоу Абыхәба. Гәык ԥсыр, гәык аауам рҳәоит, аха аубых бызшәа иахьазы иԥсхьоу абызшәақәа ишырхыԥхьаӡалоугьы, агәы еисуеит абас иҟоу аҿар рыбзоурала. "Сара схәышҭаара" иаԥхьахьоу, "Ацынҵәарах" зылаӷырӡ ақәҭәахьоу, "Чу Иақәыԥ иуахҭа" џьазшьахьоу, "Семра" згәы арԥшаахьоу. Иахьа ашәа, уаҵәы ажәеинраала, уаҵәашьҭахь ажәабжь, унашьҭахь афильм. Ахьышьҭрахь ихоу дыӡуам. Уԥры "Ԥырын"! 🧡Ахьыуардын шәақәтәа