Post #29303

🕌Русия башлаган Украина сугышында катнашучы 430нчы полктагы Русия хәрбиләре өчен "Чулман" дигән блиндаж мәчет булдырылган. Бу хакта Татарстан мөселманнары Диния нәзарәте матбугат үзәге хәбәр итә. 12 квадрат метрлы мәчет мәйданында берьюлы 10 кеше намаз кыла ала. Имам булып Чистайдан мобилизацияләнгән мулла тора диелә. ▪️Татарстан мөфтие Камил Сәмигуллин берничә тапкыр зур делегация белән Русия баскынлыгындагы Украина җирләренә сәфәр кылды. ▪️Ул Украинадагы сугышта катнашучы русиялеләр "шәһит була" диде. Ислам белгече, Коръән-хафиз (Коръәнне яттан белүче) һәм Львов шәһәрендәге Кырымтатар мәдәни үзәге башлыгы Ислам Тохлу Русия хәрбиләре өчен бу сугыш — җинаять кылу дип җавап бирде. ▪️Сугыш башланганнан бирле Украина ягында мөселманнар кулына корал алып үз ватанын саклый. Алар арасында Украинаның элекке мөфтие, Донецки татары Сәид Исмәгыйлев ихтыяри булып үз иленең гаскәренә кушылды. Ул берничә тапкыр Русия мөселманнарына мөрәҗәгать итеп сугышка барудан качарга чакырды. @azatliqradiosi