Post #29565

Якут журналисты Саша Александрова терроризмга чакыру маддәсе нигезендә өч ел колониягә хөкем ителгән. Аңа бу гаепләүнең ни өчен бирелгәне рәсми рәвештә хәбәр ителмәде. «Sakhaday» басмасы фаразлавынча, моңа журналистның интернеттагы тәнкыйть язмалары сәбәп булырга мөмкин. Террорчылыкка чакыруда гаепләүләр Украинаны яклау сүзләре өчен дә ачыла. Украинада сугыш башлангач, Александрова Русиядән Казакъстанга китеп, ZIMA дип аталган сайт ача, ләкин 2024 елда кире кайта. Аны март аенда тоткарлап тикшерү изоляторына яптылар һәм күп тә үтми Росфинмониторингның «террорчылар һәм экстремистлар» исемлегенә керттеләр. Фото: «Вести Якутии»