Найти похожее

⚡️ИММУНИТЕТНИ КЎТАРИШ! ❓Иммунитет қачон паст бўлади ёки вақтинча пасаяди? - туғма паст иммунитет (бирламчи иммунодефицит) бўлса (бу касаллик сизда аниқ йўқ, бундай болалар стерил шароитга мухтож, шунинг учун жуда ваҳли оламдан ўтади) - орттирилган иммунитет дефицити (масалан ОИТС) - маълум дорилар қабул қилинаётган даврда (химиотерапия препаратлари, орган трансплантациясидан кейин маҳсус иммунитет пасайтирувчи препаратлар) - чекиш - алкоголизм - овқатланишдаги бузилишлар - витамин ва минераллар етишмовчилиги - семизлик - шакар истеъмоли (ортиқча шакар қондаги инфекцияга қарши курашувчи ҳужайраларни фаоллигини пасайтиради) - етарлича ухламаслик - камҳаракатлилик - стресс, қайғу ❓Шу муаммолар бўлмаса, умуман касал бўлмаймизми? Барибир касал бўламиз, лекин камроқ ва енгилроқ. ❓Иммунитетни кучайтириш учун қандай дориларни ичса бўлади? Албатта бизга фақат осон йўли керак... Иккита таблеткани ичволиб супермен бўлиб қолсак. Осон йўлини қидириб овора бўлманг! Ишончли манбааларни очиб ўқисангиз, биронта дори номини кўрмайсиз. Чунки иммунитетни умумий даражасини қандайдир кўтариб берадиган сеҳрли препарат мавжуд эмас. Баъзи жиддий касалликларда иммунитетни аниқ бир қисмидаги бузилишларини йўқотишга мўлжалланган маҳсус воситалар бор, лекин уларни шунчаки ҳамма одамга қўлланилмайди. ❌ Халқимиз севиб ичадиган дориларни таъсири тадқиқотларда исботланмаган ва иммунитетни кучайтириш учун бирон жиддий халқаро ташкилот томонидан тавсия этилмаган. Мана рўйхати: - Виферон - Анаферон - Имудон - Циклоферон - Генферон - Полиоксидоний - Галавит Ва шунга ўхшаш бошқа дорилар. Номини аҳамияти йўқ, шунчаки эслаб қолинг, бирон иммун касаллиги бўлмаган, умуман олганда соғлом юрган одамга иммунитетни кўтариш учун ҳеч қандай дори тавсия этилмайди (!) 🔅Аслида иммунитетни кучайтириш керак эмас, у ўзи етарлича кучга эга. Шунчаки уни ишига ҳалақит қилманг! ❓Қандай ҳалақит қиламиз? ☠️ Ҳар балони еймиз (ширинликлар ва ширин ичимликлар; консервант/бўёқ қўшилган маҳсулотлар; килолаб нон, бургер, пицца, ҳамир овқатлар; таркиби номаълум колбаса, кетчуп, соус, майонезлар) ☠️ Ичамиз/чекамиз, асабийлашамиз ва тинчланиш учун яна битта чекиб оламиз ☠️ Қаппайиб турган қоринни "авторитет" деймиз ва коладан битта ҳўплаб қўямиз ☠️ Ярим тунгача телефонга қараб ётамиз, чала ухлаб ишга кетамиз ☠️ Ҳеч қачон профилактик текширувдан ўтмаймиз! Ўрнимиздан туролмай қолсаккина даволанишни ўйлаймиз. ❓Балки "табий йўли бордир"?Гиёҳ/ўтлардан қайнатма, дамлама... Тепадагилардан қутилмагунингизча ҳеч қандай супергиёҳлар сизга ёрдам бермайди. Бу ёнаётган уйга пиёладан сув сепгандек. ✅ Табий йўли: - етарлича уйқу - жисмоний ҳаракат - фақат табий маҳсулотларни бутунлигича истеъмол қилиш, яъни сабзи шарбати эмас, қарсиллатиб чайнаб ейилган сабзи (шакар эса дарахтда ўсмайди, тўғрими?). Саримсоқ, занжабил, қора седана каби иммунитет учун дейилган маҳсулотлар ҳаммаси шу тавсияни ичида. Шунчаки ҳилма-хил табий маҳсулотларни енг, ҳаммаси нима учундир фойдали. - зарарли одатлардан фориғ бўлиш, асабий вазиятлардан узоқ юриш - тоза сув ичинг, кунига 1.5-2 литр - витамин D ва руҳ (цинк)ни қондаги миқдорини аниқлаб, керак бўлса ўрнини тўлдириш (витамин С ни текширмасангиз ҳам бўлади, у кўкат, сабзавотларда ортиғи билан бор, уларни етарлича ейиш керак ҳалос) #immunity Сизга яна дори ёзиб бермаган шифокорингиз 🩺Doctor Ziyod😐

👃МАВСУМИЙ АЛЛЕРГИЯНИ ДАВОЛАШ 1️⃣Аллергендан асранинг Мантиқ оддий - реакция чақирадиган модда танангизга тушмаса, аллергия ҳам бўлмайди. Бу энг самарали йўл. Бунинг учун: - ёғингарчилик бўлмаган ва шамолли кунларда уйда қолинг, сайрга эса ёмғирлардан кейин чиқинг - боғда чим ўриш, ўташ ишлари олиб борилаётганда ўзингизни узоқроқ тутинг - кўчадан қайтганда кийимингизни алиштириб, чўмилиб чиқинг, шунда устингиздаги чангдан ҳалос бўласиз - ювилган кийимларни кўчага османг - кўчага чиққанда маска тақинг (қанча герметик бўлса, шунча яхши, мисол учун N95 маска) 2️⃣Юқори мавсумда қўшимча чораларни кўринг Кўпинча мавсумий аллергияси бор инсонлар тахминан бўлса ҳам, қайси ўсимликка реакцияси борлигини билади. Айнан шу ўсимлик гуллайдиган пайт қўшимча чоралар қўлланиши лозим: - аллерген ўсимликлар гуллаши ҳақидаги маълумони об-ҳаво башорати ёки бошқа кўсатувлар/сайтларда кузатиб боринг (2018-йилдан Узбекистонда ҳам шундай маълумот бериляпти) - гуллаш бошланганини билишингиз билан аллергия белгилари пайдо бўлмасидан препаратларингизни қўллаб бошланг - дераза ва эшикларни ёпиқ тутинг - эрталаб кўчага чиқмасликка ҳаракат қилинг, айнан эрталаб ҳавода чанг миқдори максимал бўлади 3️⃣Ичкаридаги ҳавони тоза тутинг - уйда ва автомобилда ойнани очишни ўрнига кондиционерни ишлатинг - кондиционер ва вентиляцияда энг самарали филтрларни ўрнатинг - HEPA филтрли чанг юткичда тез-тез уйни тозалаб туринг (Ўзбекистонда бундайлар борми, билмайман) 4️⃣Рецептсиз сотиладиган дориларни қабул қилинг - антигистамин препаратлар (Зиртек, Кларитин, Зодак) кунига 1 таблетка - гормонал спрейлар (Авамис, Назонекс) кунига бир маҳал ҳар бир бурин йўлга 2 маротабада сепилади) - бурин битишига қарши таблеткалар (Судафед, Актифед) 5️⃣Буринни ювиш Ҳозир бурин ювиш учун маҳсус бутилкада ош тузи эритмалари бор (таркибида физ раствор ёки денгиз суви). Дорихоналарда уларни тури сероб. Шу эритмаларда кунига бир неча бор буринни ювиш ундаги ортиқча шиллиқ ва аллерген моддаларни ювиб чиқаради. Эплай олмасангиз, ЛОР врач ювиб қўяди ёки ўргатади. 6️⃣Қўшимча фойдаси тегиши мумкин бўлган даво турлари. Баъзилари охиригача исботланмаган ва хеч биридан кучли таъсир кутмаслик керак, шунинг учун ҳм қўшимча сифатида тавсия этилади: - игна терапия (агар яхши мутахассис топа олсангиз) - пробиотиклар - спирулина - асал (баҳорги аллергияга баҳорги асал) 💲Тепадаги даволар ёрдам бермаса, маҳсус иммунотерапия ўтказилиши мумкин. У аллерголог шифокор кўригидан кейин амалга оширилади. Аввал аллерген модда аниқланиб, унга қарши реакцияни пасайтирувчи препарат киритилади. Бу ҳудди эмлашга (вакцинация) ўҳшаган муолажа. Одатда бундан кейин аллергия анча енгиллашади, баъзида эса умуман йўқ бўлади. Муолажани номи АСИТ. Вилоятларда борми, билмайман, Тошкентда Халқаро аллергия марказида, Республика аллергология марказида қилинади. Яна аллергик реакцияни пасайтириш учун таркибида сабабчи аллергенни жуда оз миқдорда сақловчи препаратлар ҳам бор, улар одатда қишда, аллергия йўқ пайти қўлланади. Инъекция ёки таблетка кўринишида. Лекин бу АСИТга нисбатан эскироқ метод. Манбаалар: nih.gov, Mayo, healthline.com. #allergy#immunity Каналга обуна бўлинг! 👉🩺Doctor Ziyod👈

🤧МАВСУМИЙ АЛЛЕРГИЯ ёки АЛЛЕРГИК РИНИТ - маълум мавсумларда пайдо бўладиган аллергия тури. АҚШда 8% аҳоли бу касалликдан азият чекади. Ўзбекистонда - номаълум. Бу ҳолат организмнинг гул чанги каби атроф муҳитдаги оддий моддаларга нисбатан ҳаддан ташқари кучли реакцияси сабабли пайдо бўлади. Танамиз бу моддаларни янглишиб ҳавфли деб ҳисоблайди. 🔸Қизиқ факт, хашоратлар ёрдамида чангланадиган ўсимликлар чанги оғирроқ бўлиб, ҳавода узоқ вақт тура олмайди ва камроқ аллергия чақиради. Табийки, бу турдаги аллергия қиш ойларида кам учрайди. 🔹Белгилари: - аксириш - бурин оқиши ёки битиши - кўз ёшланиши ёки қичишиши - томоқ қирилиши - қулоқ битиши Мавсумий аллергияси бор инсонлар орасида астма касаллиги ҳам кўпроқ учрайди. 🩺Doctor Ziyod | #allergy#immunity

⚠️МАВЗУНИ ҚИДИРИШ! Сизга керак мавзуларни # хэштеглар ёрдамида топинг. Кўк рангдаги сўзларни устига босиб ўша мавзу бўйича барча мақолаларни топинг. Мана бу ерда👇 Йўналишлар бўйича: - Аллергология 👉#allergy - Гастроэнтерология (ошқозон-ичак) 👉#gastroenterology - Гематология 👉#hematology - Гинекология 👉#obsgyn - Дерматология (тери) 👉#dermatology - Иммунология (иммунитет) 👉#immunity - Инфекция (юқимли касаликлар) 👉#infection - Кардиология 👉#cardiology - ЛОР 👉#LOR - Неврология 👉#neurology - Онкология 👉#oncology - Ортопедия 👉#orthopedics - Офтальмология 👉#ophthalmology - Педиатрия (болалар) 👉#pediatrics - Ревматология (бўғинлар) 👉#reumatology - Стоматология 👉#stomatology - Тез ёрдам 👉#emergency - Урология 👉#urology - Хирургия (жарроҳлик) 👉#surgery Бошқа категориялар: - Дорилар 👉#drugs - Витаминлар 👉#vitamins - Минераллар 👉#minerals - БАДлар 👉#supplements - Таомланиш 👉#nutrition - Қисқа лайфхаклар 👉#tips - Шунчаки фактлар 👉#facts Бир ойда чиққан постлар рўйҳати👉#monthly Профессионаллар расмдагидек қидирса ҳам бўлади.