Post #581

Бугунги имтихондаги ҳолатлар, телефон ёки шпоралар олиб кирилиши унчалик ҳавотирли эмас, аслида. Минг текширувлар бўлсада "учар" лар барибир эплайди. Муҳими илгаригидек тизимли равишда ҳийлалар, бункер, ректор группа деган нарсаларнинг барҳам берилиши. Чунки асосий ўйин айни шу ҳолатларда бўлган. Абитуриентлигим ҳам эсга тушиб кетди. Ўша пайт математкадан кичкина формулалар китобини олиб киришга урингандим. Биринчи текширув пунктидаёқ топиб олишган(содда бўлганмизда:)). "Оббо", деганману аммо бор билимимга ишониб кираверганман. Негадир шундан кейин аксинча ҳотиржам бўлганман. Чунки, энди назоратчилар ё бошқа текширувлардан қўрмай қолгандим. Ишлаб чиққанман ва ўқишга ҳам кирганман. У пайтлар 36 талик саволлар анча қийин бўларди. Менимча аниқ фанларга шундай формулалар қўлланмаси берилгани ҳам маъқул. Чунки мақсад 100 лаб формулани ёдлаш эмас, керакли жойда уларни қўллай билиш. Эйнштейндан бир оддий физик катталикни сўрашганида у айтолмаган экан. "Ия шуниям билмайсизми?" дейишганида, у "Буни исталган пайт китобдан кўриб олишим мумкин бўлса, миямда ортиқча жой сарфлаб, нега ёдлашим керак?" деб жавоб берган экан. 👉@kitoblog👈