Найти похожее

#sheriyat **** Qiz bolaning rost gapi ozdir, Yolg'onlari bisyor adashma. "Tegmang menga" degani - nozdir, "Nari turing" desa - karashma. Ishva bilan "Qurib keting" der, Ko'ngilga hech qattiq olmagin. "O'ling" desa, yashnab yuraver, "Qoching" desa, qochib qolmagin. Hech gul bormi axir tikansiz, Tikaniga fido qilgin jon. Bir kun aytar: - Yomon ekansiz, Ma'nosi: - "Siz eng yaxshi inson!" ©Erkin Vohidov @Muhammad_Fozil P.s: menga aloqador she'r emas, ustozlarim bilan sayohatda bo'lgan vaqtimda shu she'rni aytib qolishdi, topdim va yubordim.Yaxshi she'r ekan, yubordim, ortiqcha narsa yo'q

#sheriyat Gʻoʻza chanogʻida jonin joylagan, Jonim mening, qoshu qovogʻim xalqim. Mayin she’rlar bitay kaftingizga Mehnatkash, qoʻllari qadogʻim xalqim. Bolasin bir chetga oʻtqazib qoʻyib, Paxtasin yelkada koʻtargan xalqim. Goʻdakday erkalab ming-ming egilib, Har bitta gʻoʻzani oʻpolgan xalqim. Orom olishniyu orolanishni, Qush uyqu tunlarga ulagan xalqim. Jannatli yozlarda dalam ishim deb, Toʻylarin qishlarga koʻchirgan xalqim. Bugun qadding koʻtar men tiz choʻkayin, Qoʻllarin tarovat etolgan xalqim, Mehnatkash, qoʻllari qadoqli xalqim. “Otamda qolgan dalalar” filmidan

Ojiz odam! Bas, boshimda qamchi o‘ynatma! Ko‘ksimdagi uxlab yotgan hisni qo‘zg‘atma! Haddan oshma! O‘z boshingga o‘zing yetarsan, Etlaringni nimta-nimta qilsam, netarsan! #sheriyat #ijod O'lmas Temur

#sheriyat#surishkerak#vatanparvar Vatanparvar boʻlay deyman boʻlolmayman. Bu vatandan ketay deyman ketolmayman. Zarra Foydam teksin millatga deya Fikri ojizimni bayon etolmayman. Kundalikda adolatni koʻrolmayman Kim toʻgʻriyu kim egri hech bilomayman Xalqim azob chekishiga chidolmayman. Lekin vatanimni tashlab ketolmayman. Tarix guvoh bu millat koʻp azob chekdi Kuzda, kunu-tunda tonna paxta terdi Emizikli bolasini chetga qoʻyib Daladan oq oltin yigʻib yovga berdi Zahmat chekkan millatini, tarixini, Xalqning pulin yeb yotganlar bilmaydimi? Vatan uchun shahid ketgan ajdodlarini Vijdon amri ila bir bor yotlamaydimi? Ey oʻzbek! Oʻzing uchun, millating uchun, Halol yasha, haqni bil, adolatni tut. Muqaddas zamin uchun, shu tuproq uchun Ilm izla, xizmat qil, minnatni unut! (c)