Post #4385

Azərbaycan Xalq Cümhuriyyəti və xüsusilə Məhəmməd Əmin Rəsulzadə haqqında tədqiqat aparan tarixçi alim Nəsiman Yaqublu dünən yol qəzasında həlak olub. O, Müsavat Partiyasının 125 saylı Zəngilan-Qubadlı Seçki Dairəsindən deputatlığa namizəd idi. KİV məlumatına görə N.Yaqublu öz seçiciləri ilə görüşdən qayıdarkən Cəbrayıl rayonu ərazisində idarəetmə itirilməsi nəticəsində qəzaya düşüb. Nəsiman Yaqublu təsadüfənmi idarəetməni itirib? Tanışlarının sözlərinə görə, mərhum professor ehtiyyatlı sürücü olub. Onun seçkilərdə rəqibi isə 1995-ci ildən YAP tərəfindən deputat təyin olunan İmamverdi İsmayılovun adı bir neçə cinayətlərdə hallanır. İ.İsmayılovun özünə və ailəsinə Sumqayıt şəhərində restoranlar, şadlıq evləri və bahalı avtomobillər məxsusdur. Bu hakimiyyətin dövründə törədilməyən cinayət qalmadığına görə bu hadisə də şübhə doğurur. Allah rəhmət eləsin, Nəsiman müəllimin ölümü Azərbaycan üçün çox böyük itkidir.