Post #4490

Sosial şəbəkələrdə "xalqımız təhsilə meyilli deyil" kimi ifadələrə tez-tez rast gəlirəm. Buna qısa və sərt cavab vermək istərdim, amma indi sərtliyi hələlik qoyaq qırağa. Xalqı təhsilə meyilli olmamaqda günahlandırmaq tamamilə yanlışdır, xüsusən də dövlətin təhsil sistemi bərbad vəziyyətdə olduğu və korrupsiya geniş yayıldığı bir şəraitdə. Təhsil müəssisələrində müəllimlərin və rəhbərliyin təyinatından tutmuş, qiymətləndirmə prosesinə qədər hər mərhələdə rüşvətxorluq və qanunsuzluqlar hökm sürürsə, insanlar keyfiyyətli təhsil almaq üçün lazımi şəraitdən məhrum olurlar. Belə bir mühitdə xalqı məsuliyyətli etmək ədalətsiz yanaşmadır, çünki təhsilin əsas məqsədi, əslində, bərabər və ədalətli şərtlər daxilində bilik verməkdir. Azərbaycanlılar olduqları bütün ölkələrdə uğur qazanırlar, təkcə Azərbaycandan başqa.