Post #4547

Azərbaycanın teleməkanında "MTV" adlı bir kanal var. Kanal guya mədəniyyətə həsr edilir. Təxminən 1 saat əvvəl "MTV"-də MDB dövlət başçılarının görüşü zamanı Putin və Əliyevin çıxışlarını yayımladılar. Çıxışlar, təbii ki, rus dilində idi, lakin yayım zamanı Azərbaycan dilinə heç bir tərcümə edilmədi, hətta altyazı belə əlavə olunmadı. Bu məsələ artıq adi hala çevrilib: Putin rusca çıxış edir, bizim kanallar isə onun çıxışlarını tərcümə etmədən yayımlayırlar. Üstəlik, yalnız Putinin deyil, Rusiyanın XİN-in brifinqlərini də eyni qaydada təqdim edirlər.