Post #4576

Bakıda yağan güclü yağışdan sonra hətta Xəzər Universitetinin binasını belə su basıb. Mən heç də spekulyasiya etmək istəmirəm. Yağışın miqyası həqiqətən də çox yüksək olub. Bu gün səhər saat 9-a olan məlumata əsasən, Bakı və Abşeron yarımadasına aylıq normanın 306% qədər yağıntı düşüb. Amma mən tam əminəm ki, bu təbii fəlakətin fəsadları daha az ola bilərdi. Məsələn, indi mediyada deyilir ki, tuneldə iki nəfər həlak olub. Şəhərin drenaj sistemi normal olsaydı, o tunelə daha az su dolardı və həmin şəxslər sağ qalardı. Təəssüf ki, Azərbaycanda normal kanalizasiya sistemi yoxdur. Bütün bu problemlər isə ölkədə düzgün rəhbərliyin olmamasından irəli gəlir.