Post #5505

​​#ЖИСМИМ-#ХОРИЖДАДИР, #КЎНГЛИМ-#ВАТАНДА! Бутун умр куйдим, бир умр ёндим, Соғинч деб аталмиш олов, гулханда. Тунда йиғлаб, тонгда йиғлаб уйғондим, Жисмим-хориждадир, кўнглим-Ватанда! Муножотни куйлаб чиқса бипатомса,,,., Ёхуд Лазги куйин чалса созанда. Бадан музлади-ю юрак этди жиз, Жисмим-хориждадир, кўнглим-Ватанда! Гарчи хорижда хам ўсар атиргул, Булбуллар хам сайрар ўзга гулшанда. Мени соғинтирар ўз юртим нуқул, Жисмим-хориждадир, кўнглим-Ватанда! Менинг дардим англар бир Парвардигор, Унга дардин айтур мендайин банда. Нечун олмайин тан ва бўлмай иқрор, Жисмим-хориждадир, кўнглим-Ватанда! Муқимликдан кетиб бўлгач мусофир, Энг кучли оғриқни сездим ўшанда. Юртдан айро яшаш бунчалар оғир, Жисмим-хориждадир, кўнглим-Ватанда! Хотиралар юки хоритди онгни, Охири мадор хам қолмади танда. Юртни дуо қилиб, бошлаб хар тонгни, Жисмим-хориждадир, кўнглим-Ватанда! Билмадим бу хиснинг исми нимадир? Бу ходисот не деб аталур фанда? Менинг кўз ёшларим чеҳрам шимадир, Жисмим-хориждадир, кўнглим-Ватанда! Мен ўзга юртларга ўгайман-ўгай, Ўз юртимда эдим эрка арзанда. Дардим аритолмас на шароб, на май, Жисмим-хориждадир, кўнглим-Ватанда! Соғинтирди онам улашган сомса, Мен учун хануз йўқ ундан пазанда. Кулмангиз кўзимдан ёмғирлар томса, Жисмим-хориждадир, кўнглим-Ватанда! Гўдак киби йиғлар юрагим хўнг-хўнг, Лабларим отсада шодликдан ханда. Насиб, кўришгаймиз шу баҳордан сўнг, Жисмим-хориждадир, кўнглим-Ватанда! Юртини соғинмас биргина хоин, Ўз элидан кечгай фақат газанда. Халқимга чапламай бўхтонлар лойин, Жисми-хориждадир, кўнглим-Ватанда! @A_meshayan 16:39-21-02-2015 Абдураҳмон Мешаян