Abdurahmon Meshayan

قَالَ الإِمَامُ الأَوْزَاعِيُّ رحمه الله: «أَدْرَكْتُ أَقْوَامًا كَانُوا يُخَبِّئُونَ الْحَاجَاتِ لِيَوْمِ عَرَفَةَ لِيَسْأَلُوا اللَّهَ بِهَا» Имом Авзоъий раҳимаҳуллоҳ айтдилар: «Мен (салафи солиҳлардан) шундай одамларни кўрдимки, улар ҳожатларини (муҳим дуо ва орзуларини) Арафа кунига олиб қўяр эдилар, ўша куни Аллоҳдан сўраш учун». Биродар, бизларни ҳам дуода унутманг.

Қурбон ҳайит муборак бўлсин сизларга!

​​​​​​ҚУРБОН ҲАЙИТ МУБОРАК БЎЛСИН СИЗЛАРГА! Эй Аллоҳга сиғинганлар бутни қўйиб, Эй саждада ёш тўкканлар тўйиб-тўйиб, Чарчамангиз туя, новвос, қўчқор сўйиб, Қурбон ҳайит муборак, бўлсин сизларга! Келганда ўнинчиси Зулхижжанинг, Эй дўст қабул бўлсин қурбонлигинг санинг. Сўнгра яна икки кун бор дуом манинг, Қурбон ҳайит муборак, бўлсин сизларга! Қурбонлик гўшт тарқатаман деганлар хам, Ва шу гўштдан насиб айлаб еганлар хам. Расулию Роббисини севганлар хам, Қурбон ҳайит муборак, бўлсин сизларга! Эй биродар тўлдирганча майга қадах, Байрамин нишонлаганлар қандоқ мазах. Сизга халол бўлиб жаннат харом дўзах, Қурбон ҳайит муборак, бўлсин сизларга! Қандоқ қалбни тарк айлагай шодлик фарах, Дил яйраса десак “Хайя алал фалах” Тилагим шу барчангизга я Бисмиллаҳ, Қурбон ҳайит муборак, бўлсин сизларга! Эй эхсонин халққа, қалбин Хаққа берган, Мусулмонман дея мудом қаддин керган. Мусофирим ёт элларда ризқин терган, Қурбон ҳайит муборак, бўлсин сизларга! Эй фақирлар бир улуғ ризқ сизни топсин, Шу байрамдан кейин бойлик сизга чопсин. Ғам-қайғулар сизга мангу эшик ёпсин, Қурбон ҳайит муборак, бўлсин сизларга! Лаъинларнинг найрангига учмаганлар, Халолидан ўзгасини қучмаганлар Дард ёғсада ўз динидан кечмаганлар, Қурбон ҳайит муборак, бўлсин сизларга! Яратган Зот ўзи Аввал ўзи Охир, Қани мадхин айламоққа бўлсак мохир. Қандоқ табрикламай мўмин дўстни ахир Қурбон ҳайит муборак, бўлсин сизларга! Ажрларга тўлиб амал саҳифалар, Иффатини сақлаган ул афифалар. Чин мўминлар етиштирган заифалар. Қурбор ҳайит муборак, бўлсин сизларга. Эй ғурури осмон бирла баробарим, Сенинг-ла бир Аллоҳ ила пайғамбарим. Акам, укам, оғам, иним, биродарим, Қурбон ҳайит муборак, бўлсин сизларга! Маним нолам Арш Султони Хаққа етсин, Юракларга ихлос тўлиб ғафлат кетсин. Келгуси йил хам демоқлик насиб этсин: Қурбон ҳайит муборак, бўлсин сизларга! @A_meshayan 10:25-30.07.2020 Абдураҳмон Мешаян

​​Спасибо, что пользуетесь - @SaveAsBot'ом

​​Спасибо, что пользуетесь - @SaveAsBot'ом

Ижодга илк қадамларим, устозларим халқ шоирлари Абдулла Орипов ва Иқбол Мирзо хақида

​​​​ТОНГ ОТМАСАЙДИ Ишқимиз китоби етмай охирга, Тонг шамоли бизни уйғотмасайди. Жоним биз иккимиз бўлганда бирга, Оқшом тугамаса тонг отмасайди. Бахт кўксига бошни қўймасимиздан Дард қучоғимизда ҳеч ётмасайди Висол неъматига тўймасимиздан Оқшом тугамаса тонг отмасайди Майли субхи козиб биздан ранжисин Аммо қалб эримай тош қотмасайди Ечмай турса эди тун паранжисин Оқшом тугамаса тонг отмасайди Тўхтаб қолса эди юрак эмас вақт Дақиқалар чопиб тез ўтмасайди Юрак уммонида сузганида бахт Оқшом тугамаса тонг отмасайди Ишқни тарғиб айлар шоирнинг байти Бахтимиз хилоли хеч ботмасайди Қанийди кўнгиллар қовушган пайти Оқшом тугамаса тонг отмасайди Икки кабутардек диллашсак боғда Ағёр сиримизни хеч сотмасайди Ошиқлар суҳбати қизиган чоғда Оқшом тугамаса тонг отмасайди Арш султони бизни яхши танийди Лек армонлар дилга юк ортмасайди Ошиқлар севишган пайтда қанийди Оқшом тугамаса тонг отмасайди Одам Атодандир ишқ меросимиз Нодонлар фитналар қўзғотмасайди Севишганлар ахли гохи розимиз Оқшом тугамаса тонг отмасайди

​​#Юсуф_бўлмоққа_мажбурсан! Юсуф пайғамбарни ўз акалари, Бола пайт қудуққа ташлаб юборган. "-Ўғлингизни бўри еб кетди" дея, Сўнг бари Яъқубнинг ёнига борган. Қул қилиб сотишган шўрлик Юсуфни, Э вох туҳмат қилиб қамаганлар ҳам. Пайти келиб Миср хазинабони- Бўлгач топган анча дардлари барҳам. Юсуф яхшиликдан асло толмаган, Гўзал қалбин тахтин лаъин олмаган. Ўнта акасига қараб:"-Қудуққа- Мени отгансиз деб юзга солмаган. Юсуф пайғамбарни ўз акалари, Бола чоғ қудуққа ташлаб юборган. Йиллар ўтиб эса очарчиликда- "Ёрдам бер" деб унинг ёнига борган. Дўстим сен ҳам балки туғишганлардан- Кўп зулм кўрсангда босиқ, мағрурсан. Оғир кунлар битар, юксалганингда, Бил Юсуф бўлмоққа сен ҳам мажбурсан! @A_meshayan 18:36-09.05.2026 Абдураҳмон Мешаян

Йўлингда шаҳиддек қонлар ютмадим, Боғийларга қарши қилич тутмадим. Бироқ заифгина иймоним билан, Сендан бошқасидан нажот кутмадим. Каломинг шифодир дил бўлса яро, Жонимга оро кир Парвардигоро! Айбим Атлантика сувиданда кўп, Ҳимолайдан баланд ишончим лекин. Пешонамга дейман: "Тез саждани ўп," Сен ҳам "Сен суюкли бандамсан" дегин. Гўрга кирсам битсин азоб можаро, Жонимга оро кир Парвардигоро!

​​#Парвардигоро Чақмоқлар, бўронлар, айлайди ҳужум, Мен эса қуёшга интилган дарахт. Гарчи одам тўла атрофим гавжум, Қўллагил, хасратлар қилмасин карахт. Тилимда хақиқат бўйнимда доро, Жонимга оро кир Парвардигоро! Боқсам сени севиб тоғлар қиёмда, Соч ёйган мажнунтол мудом руъкуда. Тоатга йўллагил шармисор бўлмай, Қиёмат кунида турсам уйқудан. Демагил: Боқмайман юзингга қаро, Жонимга оро кир Парвардигоро! Йўлингда шаҳиддек қонлар ютмадим, Боғийларга қарши қилич тутмадим. Бироқ заифгина иймоним билан, Сендан бошқасидан нажот кутмадим. Каломинг шифодир дил бўлса яро, Жонимга оро кир Парвардигоро! Айбим Атлантика сувиданда кўп, Ҳимолайдан баланд ишончим лекин. Пешонамга дейман: "Тез саждани ўп," Сен ҳам "Сен суюкли бандамсан" дегин. Гўрга кирсам битсин азоб можаро, Жонимга оро кир Парвардигоро! Кўзим ҳам кўнглим ҳам баббаробар тўқ, Мени мафтун қилмас қир ё адирлар. Асл бахт дегани бу дунёда йўқ, Қуръон дер: "Бахтлилар жаннатдадирлар" Баҳтиёр қил сен-шоҳ, мен бир фуқаро, Жонимга оро кир Парвардигоро! @A_meshayan 00:26-07.05.2026 Абдураҳмон Мешаян

​​Ўлгунча Фаластин томонман! Ким учундир нима ёпсам қабохатдир, Дунёдаги энг разил, энг ёмондирман. Қалбда ташиб юрганим бир жароҳатдир: "Ўлгунимча мен Фаластин томондирман!" Диндошларим ўз юртида қон қусмоқда, Гарчи мен ўз Ватанимда омондирман. Менинг юрак дарахтимда дард ўсмоқда, "Ўлгунимча мен Фаластин томондирман!" Фурқондаги лаънатланган қавм туйсин, Мен уларга нафрати бир уммондирман. Ул Аллоҳнинг душманлари ўтда куйсин, "Ўлгунимча мен Фаластин томондирман!" Фитналарин сочаверсин куфр аҳли, Фарқим шуки мен соҳиби иймондирман. Менга надир Хақ урганнинг чиқса жаҳли, "Ўлгунимча мен Фаластин томондирман!" Озодлигин кўражакман тирик бўлсам, Раҳмонга дўст, мен душмани шайтондирман. Мозоримдан садо чиқар агар ўлсам: "Ўлгандан сўнг ҳам Фаластин томондирман!" @A_meshayan 19:07-04.05.2026 Абдураҳмон Мешаян