Post #5546

@a_meshayan

Abdurahmon Meshayan

Mga View1,860Bilang ng mga view ng post

Na-publishAgo 208/02/2025, 12:26 AM

Nilalaman

Nilalaman ng post

Мен билан ажрашма! Учмоқликка осмонимиз бор, Туганмас ишқ достонимиз бор. Арш ларзага келмасин эй ёр, Малъунга қарашма қалдирғоч. Талоқ сўзин тилга олмайлик, Айрилиқни бошга солмайлик. Яна ғариб бўлиб қолмайлик, Кўзим қилма чашма қалдирғоч. Чуғурлаб айтайлик қўшиқни, Тополмайсан биздек содиқни. Ғулу кетиб мендек ошиқни, Калхатга алмашма қалдирғоч. Қонмагин ҳеч дард оғусига, Қувиб етгин бахт оҳусига. Юлдуз қолиб шам ёғдусига, Кўзлари қамашма қалдирғоч. Изҳорингдан жимирлар этим. Инимизда бахтиёр эдим. Полапонлар бўлмасин етим, Воз кечиб адашма қалдирғоч. Лойқа анҳор сувидан ичма. Айвонимиз биттадир, кечма. Бойқушларнинг белидан қучма, Қилса-ноз карашма қалдирғоч. Айрилиққа йўқ менда тоқат, Сенинг билан яшамоқ роҳат. Дер ҳасадгўй қарғалар фақат, Ёр билан ярашма қалдирғоч. Буткул кетсин қалблардан ғараз, Нечун гумон не учун араз? Ҳиёнатни қилмаям фараз- Ёлворай талашма қалдирғоч. Ғаним билан иттифоқ тузиб, Севгимизнинг уясин бузиб Никоҳимиз риштасин узиб, Мен билан ажрашма қалдирғоч. @A_meshayan 19:13-29.08.2023 Абдураҳмон Мешаян