Post #5626

​​"ЧАВАНДОЗ" Ёри тирикдир-у аммо у чўри, Ох дунёда бундай қанчалаб "тул" бор. Ул тулпорни минар "тулки"ю "бўри" Гар "чавандоз"- уйда хорижда-"тулпор". Йиғлайвериб кўзлар маъюслашдими? Йигитлар шерлашмай товуслашдими? Эркаклар шуқадар даъюслашдими? "Чавандоз"-уйда-ю, хорижда-"тулпор" "Чавандоз" кун-у тун кезар майхона, Бир кун ёри "сумбул", бир кун "райхона" Инсоф гулзорини айлаб пайхона, "Чавандоз" уйда-ю хорижда-"тулпор" "Тулпор"и юборган зар деб хойнахой Бул "эски чавандоз" бугун "янги бой" Ўртада сарсондир "эмизикли той" "Чавандоз" уйда-ю, хорижда-"тулпор" "Чавандоз"га бўлгач "тулпорхоним" ёр, Ёзда лой суваса, Қишда қураб қор, "Даюс чавандоз"нинг не кераги бор? Гар "чавандоз" уйда, хорижда "тулпор" "Тулпор"нинг кўзидан ёшлар томчилар, Қачонки юрагин виждон чимчилар. "Бегона чавандоз" уни қамчилар, Гар "чавандоз"-уйда, хорижда"тулпор" "Чавандоз"и мард уй қанчалар тинч-а? Ўшал уйда мехмон хар кун севинч-а? "Тулпор"мас қанийди бўлса аксинча "Чавандоз"-хорижда, уйдачи-"тулпор" Бағрига босганча "тойчоқча"ларин, Йиғса чавандозин жўнатган зарин. Аллоҳ ушалтирсин орзусин барин, "Чавандоз"ин кутса, вафоли "тулпор" telegram.me/a_meshayan Абдураҳмон Мешаян