Post #5694

​​ИККИНЧИ ХОТИН. (Шеърни иккинчи бўлмаганлар биринчи деб ўқисин) Гапларингни тинглаб келади кулгим, -"Эрим бўлса эди ўз шахсий мулким. Мен жанонман анов биринчиси ким? Забонинг бунча ўқ иккинчи хотин? Сен рашк ўтин ёқиб айлайсан кўрлик, Биринчиси эса кўрдим дер хўрлик. Эх иккингиздан ҳам тўйган эр шўрлик, Гарчи у урмас дўқ иккинчи хотин. Бордию биринчи хотинин ташлаб, Тўрт боласин кўзин беҳуда ёшлаб- Фақат сени деса қилдинг деб талаб, Бўларми кўнгил тўқ иккинчи хотин? Ўз боласин ташлаб кетган эркакка, Меҳр бермоқ наҳот сиғар юракка? Танҳо бўлай дейсан..Фақат Хақ Якка, Ўзга бир чора йўқ иккинчи хотин. Эр икковингдан ҳам аслида безган, Фаросатинг бўлса бўларлинг сезган. Машмашаларингиз юрагин эзган, Гўё босгани чўғ иккинчи хотин. Не қилибди бир кеч жуфти-ла ётса, Яна сенга қайтар эрта тонг отса. Ё бахт топасанми ёр фахшга ботса, Қилмишингга бир боқ иккинчи хотин. Юрагин сиқасан у ҳам толади, Бир куни пақ этиб ўлиб қолади. Ўзинг айт ким бундан фойда олади, Ақл чироғинг ёқ иккинчи хотин. -"Ахир иккимизни кўрмаяпти тенг" Муслимасан қилгин тор феълингни кенг. Рашкчилар ичида зўр бўлсангда энг, Сабр эшигин қоқ иккинчи хотин. Мен ҳам эркакдирман бир сирни очай. Эр дер: Тили заҳар аёлдан қочай. Яхши бўлсанг демас яна уйланай, Кулиб чой тут қайноқ икккинчи хотин. Ажрашсанг чолгами бошинг эгасан, Боланг билан айтгин кимга тегасан? Шукрона қилмайсан э вох нега сан? Англатайин қандоқ иккинчи хотин. Ўлса икковинг ҳам қоласан бева, Яхшиси тирик чоғ яшангин сева. Жаннатда беради сабринг зўр мева, Биламан кўнглинг оқ иккинчи хотин. @A_meshayan 16:34-13.08.2022 Абдураҳмон Мешаян