TGTGInsighttelegram intelligenceLIVE / telegram public index
TGINSIGHT POST
Post #5753
@a_meshayan
Abdurahmon Meshayan
Nilalaman
Nilalaman ng post
Собит ибн Қайс розияллоҳу анҳу Холат эди йиғлаб дегулик, Уч кун рўза тутди бир киши. Лек ифторга бирор егулик, Тополмади қамашиб тиши- Чидайверди оларман дея, Бир кун келиб жаннатларда файз. Бу холатдан хабардор бўлиб- Хотинига Собит ибн Қайс- Деди:"Бугун уйимизга бил, Улуғ меҳмон келгайдир, бироқ- Меҳмонга сездирмай бир иш қил, Ўчир меҳмон тўйгунча чироқ. Меҳмон тўйиб олмагунича, Бир луқма ҳам таом емаймиз. Ўзи бир ё икки кишилик, Озуқамиз бордир демаймиз. Собит ибн Қайснинг уйига, Меҳмон келди еб-ичди тўйди. Ўзи бирла хотинин номин, Тарихларга мухрлаб қўйди. Эртан набий қошига борди, Набий деди: Меҳмон кишингдан- Хабардорман Аллоҳ Таоло, Ажабланди қилган ишингдан. Шундан кейин Хашр сурасин, Тўққизинчи ояти тушди. Сасланаркан Набий Собитнинг- Қалби шодликларга қовушди. "Ўзларида эҳтиёж қолиб, Ким бошқасин қилса ихтиёр. Аниқ бўлди топмоғи нажот, Жаннат ичра бўлиб бахтиёр". @A_meshayan 00:43-21.02.2026 Абдураҳмон Мешаян