Літаратурны музей

ПЯТРУСЬ БРОЎКА. МАЁ ХХ СТАГОДДЗЕ куратарская эскурсія па выставе 25/04/2026, 15:00 📍Філіял "Літаратурны музей Петруся Броўкі" Што вы ведаеце пра Петруся Броўку? Што ён быў паэтам, які пісаў савецкія агітацыйныя творы? Ці што ён напісаў такія шэдэўры беларускай інтымнай лірыкі, як “Пахне чабор” і “Александрына”? А быць можа вы ў школе вучылі верш “Калі ласка”? Але як адбываўся творчы працэс? Што натхняла паэта на стварэнне пакаянных вершаў? Што хацеў данесці ў сваім лісце да яго Уладзімір Дубоўка? І нарэшце, хто быў першым каханнем паэта? Шэсць зборнікаў лірыкі. Пяць дзесяцігоддзяў. Ад імпульсіўнай маладосці, веры ў пераўтварэнне свету і літаратурны эксперымент – да сталасці, адказнасці, сумненняў і споведзі. 👤Куратар выставы – Карына Кушчанка. 🎟15 руб. Наш адрас: г. Мінск, вул. К.Маркса, 30. 📞+375 17 342-09-81. З А П Р А Ш А Е М Д А Л У Ч Ы Ц Ц А !

https://belta.by/society/view/pamjat-zmitroka-bjaduli-pochtili-na-vostochnom-kladbische-v-minske-776918-2026/

КАЗКІ НАРОДАЎ СВЕТУ. КІТАЙ тэатр-батлейка “Дом з Марамі” 6+ 30/04/2026, 18:30 📍Дзяржаўны музей гісторыі беларускай літаратуры Што будзе, калі расказаць кітайскія народныя казкі з дапамогай беларускага народнага тэатра? Тэатр-батлейка “Дом з Марамі” і Літаратурны музей прадстаўляюць новую главу казак. Гэтым разам нашыя казкі сягнуць за межы Траецкага прадмесця: мы пачынаем знаёмства з сусветнымі казачнымі традыцыямі. І першай краінай нашай казачнай вандроўкі стане Кітай! У новым спектаклі “Дома з Марамі” спалучацца ўсходняя філасофія і славянскі характар, яскравыя вобразы цмокаў і родная душа, кітайскі фальклор і беларускі падыход. Казкі для дзяцей і дарослых раскажуць і пакажуць, што адбываецца, калі культуры розных народаў не адмаўляюць адна адну, а дапаўняюць, пашыраюць і аб’ядноўваюць людзей у імя святла і любові. 🎟15,00 руб. Колькасць месцаў абмежаваная. Перадпродаж квіткоў – у касе музея з аўторка па нядзелю з 10:00 да 18:30 і па спасылцы З А П Р А Ш А Е М !

ПАВА ЛЯТАЛА музычна-пластычны перформанс 12+ 28/04/2026, 20:00 📍Дзяржаўны музей гісторыі беларускай літаратуры Вясна – гэта рух і гук, вецер і вада, птушкі і расліны, абнаўленне свету вонкавага і ўнутранага, стварэнне новай гармоніі і ажыванне застылых формаў, перанараджэнне і ўпарадкаванне, атаграванне і прарастанне. Запрашаем сузіраць, слухаць і перажываць усё гэта разам падчас перформанса “Пава лятала” ў межах выставы арт-аб’ектаў Карыны Папроцкай і Вольгі Сямашкі “Павукі і павы”. Наведвальнікаў чакае сучасная перфарматыўная пластыка ў суправаджэнні жывых акапэльных веснавых абрадавых спеваў. Удзельнікі і наведвальнікі разам будуць перамяшчацца па прасторы выставы і адначасова назіраць і ствараць дзейства. 🎟15,00 руб. ⏳Працягласць каля 40 хвілін. Колькасць месцаў абмежаваная. Перадпродаж квіткоў – у касе музея з аўторка па нядзелю з 10:00 да 18:30 і па спасылцы Даведкі: +375 17 363 56 21. Наш адрас: г.Мінск, вул. М. Багдановіча, 13. З А П Р А Ш А Е М !

КУРАТАРСКАЯ ЭКСКУРСІЯ Ў МУЗЕІ-ДАЧЫ ВАСІЛЯ БЫКАВА 01/05/2026, 14:00 📍Мінскі раён, а/г Ждановічы, вул. 6-я Дачная, 62 💥1 мая 2026 года Музей-дача Васіля Быкава пачынае 1️⃣2️⃣-ты музейны сезон! У гэты святочны дзень запрашаем вас, шаноўныя сябры, на першую ў новым сезоне куратарскую экскурсію Ірыны Князевай. Вас чакаюць: ✅змястоўная экскурсія па экспазіцыі музея-дачы, дзе кожны прадмет нагадвае пра тое, што калісьці тут кіпела жыццё, напоўненае любоўю і радасцю; ✅інтэлектуальныя размовы па тэме творчасці Васіля Быкава; ✅памятныя падарункі кожнаму наведвальніку. 🎟10,00 руб. ✍🏽Папярэдні запіс абавязковы! Тэл. для запісу: +375 29 811 21 85. Д А Л У Ч А Й Ц Е С Я !

10 цікавых фактаў пра Змітрака Бядулю. 🌹Сёння класіку - 140!🌹

🎙 Госці радыё «Культура» – кандыдат філалагічных навук, літаратурны крытык, супрацоўнік НАН Беларусі Анатоль Трафімчык і загадчык філіяла «Беларуская хатка» Дзяржаўнага музея гісторыі беларускай літаратуры Ала Iвашкевiч. 📚Сёлета беларуская грамадскасць адзначае 140-годдзе з дня нараджэння выдатнага пісьменніка, паэта, публіцыста і літаратурнага крытыка Змітрака Бядулі. Тэмы размовы: ◽️ Уклад Змітрака Бядулі ў станаўленне і развіццё нацыянальнай літаратуры; ◽️ Пepшы збopнiк «Aбpaзкi» і лipычныя iмпpэcii-мiнiяцюpы; ◽️ Мастацкая каштоўнасць рэалістычных твораў; ◽️ «Беларуская хатка» і эпоха: цікавыя факты і «таямніцы» сустрэч Бядулі і Багдановіча; ◽️ Юбілейныя мерапрыемствы, прысвечаныя класіку. Далучайцеся да размовы ТУТ

ТРАДЫЦЫЙНЫЯ ТАНЦЫ Ў ТРАЕЦКІМ 26 красавіка 2026, 18:00-21:00 📍 Дзяржаўны музей гісторыі беларускай літаратуры Калі вы даўно марылі патрапіць у атмасферу беларускай традыцыйнай вечарыны і паспрабаваць пераняць рухі народных танцаў ад спраўных танцораў, то гэты момант надышоў. Запрашаем прадстаўнікоў розных прафесій, узростаў і сацыяльных статусаў - усіх, каго аб'ядноўвае любоў да свайго, цікавасць да беларускай традыцыі. Запрашаем тых, хто ўмее танчыць, толькі вучыцца альбо марыць навучыцца. На вечарыне будуць вопытныя танцоры, якія стануць арыенцірам на танцпляцы для пачаткоўцаў. Атмасферу сапраўднай беларускай вечарыны створаць музыкі-аматары. Яны зайграюць "Лявоніху", "Кракавяк", "Грачанікі", "Вераб’я", "Каханачку" ды многія іншыя танцы. Сярод традыцыйных музычных інструментаў – скрыпка, цымбалы, басэтля, дуда, гармонік, акардэон, бубен, барабан. Каса працуе да 20:00. 🎟️15 руб. Даведкі: +375 17 363 56 21. Адрас: г.Мінск, вул.М.Багдановіча, 13. У С І Х С А Р Д Э Ч Н А З А П Р А Ш А Е М !

18 красавіка супрацоўнікі Дзяржаўнага музея гісторыі беларускай літаратуры і філіялаў далучыліся да рэспубліканскага суботніка.

ПАВУКІ І ПАВЫ выстава арт-аб’ектаў Карыны Папроцкай і Вольгі Сямашкі 🔆Праект “Кола года” 17 красавіка - 12 мая 2026 📍 Дзяржаўны музей гісторыі беларускай літаратуры У музеі распачынае працу выстава сучасных арт-аб’ектаў “Павукі і павы”. Аўтэнтычныя павукі – гэта традыцыйныя беларускія вырабы з саломы, якія ствараліся на святы народнага календара з семантыкай Новага году (у розных мясцінах на Каляды або Вялікдзень). Павукі вырабляліся раз на год напярэдадні свята і падвешваліся на покуці. Яны адлюстроўвалі касмаганічныя ўяўленні беларусаў аб светабудове і з'яўляліся прадметным увасабленнем упарадкаванага і гарманічнага Сусвету. Традыцыйны павук ствараўся з саломы – прадукта натуральнага ладу жыцця чалавека, які заставаўся ад сабранага ўраджаю. Мастачкі ж Вольга Сямашка і Карына Папроцкая бяруць матэрыялы, што прапануе сённяшнi свет, і робяць з яго рэплікі і варыяцыі на тэму традыцыйных павукоў. Іх арт-аб’екты – з пластыку і металу. Калі павукоў, якія віселі год і збіралі злых духаў, спальвалі ўзімку, каб сплесці новых, то павукоў Вольгі і Карыны спаліць нельга. У пластыку – іншы цыкл жыцця, іншыя ўласцівасці. Яркія колеры прац, гіпертрафаваныя памеры павукоў ствараюць зусім іншыя выявы і асацыяцыі. Выстава “Павукі і павы” прымеркаваная да галоўнага гадавога свята – Вялікадня.Таму яе мастацкі вобраз дапаўняе тэкстыль з веснавымі матывамі: птушкамі і кветкамі, якія можна пабачыць на посцілках і рушніках, а таксама кераміка з фондаў Літаратурнага музея. 🎟️2,50 руб. – школьнікі, студэнты, 5 руб. – усе астатнія. Экскурсійнае абслугоўванне - па папярэдняй замове: +375 17 363 56 21. З А П Р А Ш А Е М !