@Chilonzor_tuman_hokimligi · Post #83248 · 2026/04/14 07:06
#MurojaatIjrosi #Deputatso'rovi #AholiFarovonligi #Baynalminal Deputat so'rovi qanoatlantirildi : BAYNALMINAL KO‘CHASIDA YANGI BEKAT O‘RNATILDI Chilonzor tumani aholisidan kelib tushgan murojaatlar doimiy e’tiborda. Xususan, tumandagi Baynalminal ko‘chasida zamonaviy avtobus bekati o‘rnatish masalasida fuqarolar tomonidan murojaat qilingan edi. Ayni murojaat yuzasidan Xalq deputatlari Chilonzor tumani kengashi deputati Dono Mahmudova tomonidan tuman hokimining Qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari nomiga deputat so‘rovi yuborildi. Deputat so‘rovi asosida tuman hokimining tegishli ko‘rsatmasiga asosan, tuman Obodonlashtirish boshqarmasi xodimlari tomonidan ushbu murojaat qisqa muddatda o‘rganilib, ko‘rsatilgan manzilda yangi bekat o‘rnatildi. Endilikda ushbu hududdagi yo‘lovchilar va tumanimiz mehmonlari uchun jamoat transportini kutishda qo‘shimcha qulayliklar yaratildi. Xalq bilan muloqot va aholi farovonligini ta’minlash borasidagi ishlar davom ettirilmoqda. 🔵 Сhilonzor_tumani_hokimligi