@Chilonzor_tuman_hokimligi · Post #81002 · 2026/03/03 10:56
#Chilonzor #Avtoturargoh #Xavfsizlik #KuzatuvKamerasi #YHX #IIBB #Toshkent 🚔 Chilonzor tumanida pulli avtoturargohlar xavfsizligini ta’minlash masalasi muhokama qilindi Chilonzor tumani hokimligida tuman hokimi hamda Toshkent shahar Ichki ishlar bosh boshqarmasi va Yo‘l harakati xavfsizligi boshqarmasi mas’ullari boshchiligida tuman hududidagi pulli avtoturargohlar xavfsizligini ta’minlash masalalariga bag‘ishlangan yig‘ilish o‘tkazildi. Yig‘ilish davomida pulli avtoturargohlar hududiga kuzatuv kameralarini o‘rnatish, mavjud xavfsizlik choralarini kuchaytirish hamda jamoat tartibini ta’minlash bo‘yicha amalga oshiriladigan ishlar atroflicha muhokama qilindi. Unda tuman hududidagi barcha pulli avtoturargohlar mas’ullari ishtirok etib, mazkur yo‘nalishda bajarilishi lozim bo‘lgan vazifalar va aniq chora-tadbirlar belgilab olindi. Mazkur tashabbuslar fuqarolarning mol-mulkini himoya qilish, hududlarda xavfsizlik darajasini oshirish va zamonaviy nazorat tizimlarini joriy etishga xizmat qiladi. 🔵@Chilonzor_tumani_hokimligi