@Chilonzor_tuman_hokimligi · Post #83503 · 2026/04/17 09:36
#Chilonzor #Xayrobod #NamunaliKelin #Oila #Qadriyat Mahallaning eng namunali kelinlari aniqlandi! “Xayrobod” mahalla fuqarolar yig‘inida xotin-qizlar o‘rtasida milliy qadriyatlarimizni ulug‘lovchi “Mahallaning namunali kelini” ko‘rik-tanlovi bo‘lib o‘tdi. Tadbirda mahallaning kayvoniy onaxonlari va mahalla faollari ishtirokida kelinlarning uy-ro‘zg‘or tutumi, oiladagi odob-axloqi, farzand tarbiyasi va milliy an’analarimizga bo‘lgan hurmati sinovdan o‘tkazildi. Bellashuv yakunlariga ko‘ra: ✅ O‘zining zukkoligi va epchilligi bilan ajralib turgan, mahalla hayotida o‘rnak bo‘layotgan g‘olib kelinlar aniqlandi. Tadbir yakunida tanlov g‘oliblari, shuningdek, mahallaning ibratli qaynonalari va namunali qizlari tashkilotchilar tomonidan faxriy yorliq hamda esdalik sovg‘alari bilan tantanali ravishda taqdirlandilar. Bu kabi tadbirlar mahallamizda oilaviy totuvlikni mustahkamlash va yosh kelinlar o‘rtasida sog‘lom raqobat muhitini shakllantirishga xizmat qilmoqda. 🔵 Сhilonzor_tumani_hokimligi